Нийгмийн
Л.Амбасэлмаа: Хоёр хүний анхан болон давтан шинжилгээнээс коронавирус ИЛЭРЛЭЭ
Өнөөдөр /2020.08.26/ ЭМЯ-наас шинэ төрлийн коронавируст халдварын талаарх цаг үеийн ээлжит мэдээллээ өглөө. Энэ үеэр ХӨСҮТ-ийн Тандалт, судалгааны албан дарга Л.Амбасэлмаа:
“Өчигдөр нийт 490 хүнд шинжилгээ хийхэд хоёр шинэ тохиолдол илэрлээ. Үлдсэн 488 шинжилгээнд коронавирус илрээгүй. Уг шинжилгээнд:
- Наймдугаар сарын 24-нд Токио-Улаанбаатар чиглэлийн онгоцоор ирсэн 248 хүний шинжилгээ
- Алтанбулагийн боомтоор орж ирсэн 27 жолоочийн шинжилгээ
- Гаднын орнууд руу явах хүсэлт гаргасан 12 хүний шинжилгээ
- Тандалтын журмаар цуглуулсан таван хүний шинжилгээ
- Сувиллын ажиглалтад буй гурван хүний давтан шинжилгээ
- Наймдугаар сарын 6-нд Шинэ-Дели чиглэлийн онгоцоор ирсэн 187 хүний давтан шинжилгээ
- Тусгаарлан ажиглах байруудад буй 46 хүний давтан шинжилгээ тус тус багтсан байна.
Ийн манай улсад батлагдсан халдварын тохиолдол 300 боллоо. Үүний 289 нь эдгэрч, эмнэлгээс гарлаа” гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.