Австрали улсаас 2 сая тонн нүүрс тээвэрлэж буй 400 орчим усан онгоц БНХАУ-ын хойд эргийн Жинтан боомтын ойролцоо гацжээ. Тэд бүгд нүүрсээ буулгах зөвшөөрлөө хүлээж байгаа аж.
Хятад улс Австралиас нүүрс авахаа зогсоож буй тухай дэлхийн хэвлэлүүд мэдээлсэн. Засгийн газар нь коксжих нүүрс хэрэглэдэг жижиг үйлдвэрүүддээ Австралийн нүүрс ашиглахаа болих чиглэл өгсөн гэгдэж буй.
Гэвч албан байдлаар хоёр орны дунд ийм агуулгатай хэлэлцээр, тохироо болоогүй хэвээр байна. Харин БНХАУ Канадаас илүү үнэтэй нүүрс импортолж эхэлсэн нь анхаарал татдаг.
Дээрх 400 орчим тээвэрлэгч усан онгоцны зарим нь зургадугаар сараас хойш зөвшөөрөл хүлээж буй аж.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хилээ хаахгүй бол вирусын голомт улам л олон болнодоо. Бүх үйдчилгээний газруудыг камержуулахыг шаардах хэрэгтэй.