УЛС ТӨР

“Энэ хуулийг угаас удаан хэлэлцэнэ, тэгэхээр эхлээд төрсөн өдрийн мэндээ хүргэчихье”

УИХ-ын чуулганы нэгдсэн хуралдаан үргэлжилж байна.

Дөнгөж сая Үндсэн хуулийн цэцийн 12-р тогтоолыг хэлэлцэж дууслаа. Үүгээр уг дүгнэлттэй санал нийлэхгүй гэсэн томъёоллоор санал хураахад гишүүдийн олонх нь дэмжсэн. Улмаар парламент тус 12-р тогтоолыг хүлээж авсангүй.

Үргэлжлүүлээд Шүүхийн тухай хуулийн шинэчилсэн найруулгын төслийг хэлэлцэж эхэллээ. Хуулийн төслийг УИХ-ын гишүүн Б.Энхбаяр уншиж танилцуулав.

Уг хуулийн төслийн анхны хэлэлцүүлгийг мягмар гаргийн Хууль зүйн байнгын хороо 18 цагийн турш тасралтгүй хэлэлцэж, рекорд тогтоосон.

Ингээд хэлэлцэж эхлэхийн өмнө УИХ-ын дарга Г.Занданшатар “Хууль зүйн байнгын хорооны гишүүд сайн ажиллаж, нэлээд шүүсийг нь шахсан. Өнөөдөр ч бид нэлээн ажил хэрэгч хуралдана, удаан хэлэлцэнэ. Тэгэхээр эхлээд энэ долоо хоногт төрсөн өдөр нь тохион буй гишүүддээ төрсөн өдрийн мэнд хүргэе” гэлээ.

Нэгдүгээр сарын 2-нд Н.Учрал

Нэгдүгээр сарын 6-нд Н.Энхболд

Нэгдүгээр сарын 9-нд Г.Дамдинням

Нэгдүгээр сарын 10-нд Г.Тэмүүлэн нар төржээ.

Г.САНСАРМАА

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button