Чех улсын толгой баячуудын нэг Петр Келлнер онгоцны ослоор нас баржээ
Өнгөрөгч Бямба гарагт Чех улсын толгой баячуудын нэгт тооцогддог, PPF Group хөрөнгө оруулалтын компанийн үүсгэн байгуулагч Петр Келлнер /Petr Kellner/ АНУ-ын Аляска мужид цанаар гулгахаар нисдэг тэргээр зорчиж явахдаа осолдож нас барсан тухай Business Insider сайтад бичжээ.
Уг онгоцонд нийт зургаан хүн зорчиж явсан гэх бөгөөд нэг хүний биеийн байдал хүнд эмчилгээ хийлгэж буй аж. Өдгөө ослын шалтгааныг олохоор шалгалтын ажиллагаа үргэлжилж буй. Осол гарсан гэх цанын баазын зүгээс талийгаачдын ар гэрт эмгэнэл илэрхийлсэн байна.
Петр Келлнерийн хувьд улсынхаа тэргүүн баян төдийгүй Европын хамгийн баян хүмүүсийн нэгт тооцогддог. Келлнерийн хөрөнгийн хэмжээг Форбс сэтгүүл $17.5 тэрбум, Блүүмбэрг агентлаг $15.7 тэрбум гэж тооцоолсон байдаг.
Эх сурвалж:Business Insider
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.