НИЙГЭМ
ХУУЛЬ: Долдугаар сарын 1-нээс 8.5 хувийн ТДШ төлнө
Өнөөдөр УИХ-ын чуулган хуралдаж, НДШ-ийн тухай хуульд нэмэлт өөрчлөлт оруулах хуулийн төслийг баталлаа. Үүгээр долдугаар сарын 1-нээс ажилтан, ажил олгогчийн төлөх НДШ тус бүр 1 хувь, нийт 2 хувиар буурч байгаа юм.
Тодруулбал, 2021 онд ажилтан, ажил олгогч тус бүр 9.5 хувийн ТДШ /Тэтгэврийн даатгалын шимтгэл/ төлж эхлэх байсан. Манай улс 2017 онд ОУВС-гийн хөтөлбөрт нэгдэн орсны хүрээнд жил бүр НДШ-ийг ийн үе шаттай нэмэгдүүлж байгаа юм.
Харин цар тахлын үеийн эдийн засгийн хүнд нөхцөл байдлыг авч үзээд, тус хуулийн төслийг санаачилсан байдаг. Хууль долдугаар сарын 1-нээс хэрэгжиж эхлэх бөгөөд иргэн 8.5 хувийн ТДШ төлж эхэлнэ гэсэн үг юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.