ДЭЛХИЙ

Хуримын ёслолын үеэр халдлага үйлджээ

Афганистаны нийслэл Кабул хотын хуримын ордонд тэсрэх бөмбөг дэлбэлсний улмаас 63 хүн амиа алдаж, 180 гаруй хүн шархадсан байна.

Дэлбэрэлт болсон газарт байсан хүмүүсийн мэдээлснээр, хуримын ёслолын үеэр амиа золиослогч этгээд халдлага үйлджээ. Лалын шашны Шиа урсгалыг шүтдэг хүмүүсийн амьдардаг хэсэгт орон нутгийн цагаар бямба гарагийн оройны 22:40 цагийн үед халдлага болжээ.

Уг халдлагатай холбоогүй гэдгээ “Талибан” бүлэглэл мэдэгдсэн бөгөөд одоогийн байдлаар халдлагын хариуцлагыг аль нэг бүлэг хүлээгээгүй байна. Лалын шашны Сунни урсгалыг шүтдэг “Талибан”, “Лалын улс” зэрэг бүлэглэл Афганистан, Пакистан дахь Шиа урсгалынхныг онилон удаа дараа халдлага үйлддэг юм.

Хамгийн сүүлд буюу 10 хоногийн өмнө Кабул хотын цагдаагийн газрын гадна үйлдсэн халдлагын улмаас наад зах нь 14 хүн амиа алдаж, 150 орчим хүн шархадсан билээ.

Б.АМАР

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button