Олон улсын сонсголгүй иргэдийн эрхийн өдрүүдийг жил бүр есдүгээр сарын сүүлийн өдрүүдэд 1958 оноос хойш тохиолдуулсаар ирсэн. Харин манай улс энэ өдрийг 2009 оноос хойш онцгой анхаарч, сонсголгүй иргэд эрхийнхээ төлөө дуугарч, дуу хоолойгоо хүчтэй хүргэсээр байгаа юм. Өнгөрсөн жилийн тухайд энэ өдрүүдийг долоон өөр хөтөлбөрөөр долоон өдөр үргэлжлүүлсэн.
Манай улсад Үндэсний статистикийн хорооны судалгаагаар, нийт 101.200 гаруй хөгжлийн бэрхшээлтэй иргэд байгаагийн 8406 нь сонсголгүй иргэн юм. Тэдний 791 нь 17 хүртэлх насны хүүхэд байна.
Олон улсын өдрөөр дэлхийн орнуудад сонсголгүй иргэдийн урлаг соёлын үйл ажиллагаа өрнөдөг. Сонсголын бэрхшээлтэй иргэдийн зуны Олимпын наадам хүртэл болдог. Тус олимпын наадмыг Deafympics гэж нэрлэдэг байна. Манай улсад энэ өдөр урлаг соёлын авьяастнуудын тоглолт, “Дифлимпын тамирчдын алдар” нөхөрсөг уулзалт, өдөрлөгийг зохион байгуулдаг юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.