Манай улсад вирусаар халдварладаг менингококк буюу менингит өвчний тархал т бүртгэгдээд байна. Уг өвчний халдвар хүйтний эрч суларч дулаан орох үед буюу хаврын улиралд ихэсдэг байна.
Халдвар авсан үед үнэрлэх эд, эрхтэн болон цусаар дамжин төв мэдрэлийн системд халддаг. Халдварын шинж тэмдэг нь тайван бус болох, өндөр халуурах, толгой хүчтэй өвдөх, дотор муухайрахгүйгээр бөөлжих, арьс, сонсгол, хараа хэт мэдрэг болох, дагзны булчин хөших, шөрмөс татаж, үе мөч салганах зэрэг шинж тэмдэг илэрнэ. Мөн хүүхэд шалтгаангүйгээр өндөр халуурвал яаралтай эмнэлгийн байгууллагад хандахыг ХӨСҮТ-ээс зөвлөж буй.
ХӨСҮТ-д ажлын өдрүүдэд 08:30-14:30 цагийн хооронд менингококкоос сэргийлэх вакцин хийж эхэлжээ. Вакциныг хоёроос дээш настай бүх хүн сайн дураараа 22 мянган төгрөгөөр хийлгэх боломжтой аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.