НИЙГЭМ

Лист, групп, амаржсаны тэтгэмжийг цахимаар олгосноор ТЭРБУМ төгрөг хэмнэнэ

Даатгуулагч www.e-mongolia.mn болон www.ndaatgal.mn-ээр хүсэлтээ гаргаж тэтгэмжээ цахимаар авах боломжтой боллоо. Эмнэлгийн хуудас буюу листийг энэ оны нэгдүгээр сарын 17-ноос цахимаар олгож эхэлсэн. Ингэснээр даатгуулагч, иргэн олон шат дамжлага дамжиж цаг хугацаа, зардал мөнгө гаргахгүйгээр эмнэлгийн хуудас буюу листээ бичүүлж, улмаар хөдөлмөрийн чадвар түр алдсаны тэтгэмж, жирэмсний болон амаржсаны тэтгэмжээ цахимаар авах боломж бүрдлээ.

Мөн тус үйлчилгээг цахимжуулснаар даатгуулагч, ажил олгогч, эмч, нийгмийн даатгалын байгууллага жилд 1 тэрбум төгрөг хэмнэх юм. Хөдөлмөр, нийгмийн хамгааллын сайд, Эрүүл мэндийн сайдын хамтарсан тушаалаар хөдөлмөрийн чадвар түр алдсаны, жирэмсний болон амаржсаны эмнэлгийн хуудас буюу листийг цахимаар олгох шийдвэр гаргасны дагуу дээрх цахимжуулалтын ажлыг хийж гүйцэтгэсэн.

Энэ хүрээнд эрүүл мэндийн байгууллагуудын ашигладаг холбогдох системд хөгжүүлэлт хийж цахим лист олгох нөхцөлийг бүрдүүлсэн. Тодруулбал, 2, 3-р шатлалын эмнэлэг (аймаг, дүүргийн, клиник) болон өрхийн эмнэлгүүд эмнэлгийн хуудас буюу листийг цахимаар олгож байна. Даатгуулагч, иргэн Та www.e-mongolia.mn болон www.ndaatgal.mn -ээр хүсэлт гаргаж хөдөлмөрийн чадвар түр алдсаны, жирэмсний болон амаржсаны тэтгэмжээ цахимаар авах боломжтой.

1. www.e-mongolia.mn сайтад нэвтэрч орох

2. Үйлчилгээнүүд цэсээс Нийгмийн хамгаалал гэсэн дэд цэс рүү орох

3. Нийгмийн хамгаалал дэд цэс дотор Даатгал гэсэн үйлчилгээ бий.

4. Даатгал гэсэн үйчилгээн дээр дармагц Жирэмсний болон амаржсаны тэтгэмж авах хүсэлт гэсэн үйлчилгээг авах боломжтой.

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button