Антонио Гуттереш Төрийн ордны Хүндэт зочны дэвтэрт гарын үсэг зурлаа
НҮБ-ын Ерөнхий нарийн бичгийн дарга Антонио Гуттереш өчигдөр /2022.08.08/ Монгол Улсад хүрэлцэн ирсэн. Ерөнхийлөгч У.Хүрэлсүхийн урилгаарх түүний айлчлал өнөөдөр эхэллээ.
Тэрбээр 09.00 цагт Сүхбаатарын талбай дээр Ерөнхийлөгч У.Хүрэлсүхэд бараалхаж, гар барьсан.
Төрийн хүндэт харуулын захирагч айлтгал өргөсний дараа хөгжимд Төрийн дуулал эгшиглэв. НҮБ-ын Ерөнхий нарийн бичгийн дарга Төрийн хүндэт харуулын туганд мэхийн ёсолж, цэргүүдтэй мэндчилэв. Монгол Улсын Ерөнхийлөгч, НҮБ-ын Ерөнхий нарийн бичгийн дарга нар Их эзэн Чингис хааны хөшөөнд хүндэтгэл илэрхийлэв.
Улмаар уулзалтыг үргэлжлүүлэхээр Төрийн ордон руу орлоо. НҮБ-ын Ерөнхий нарийн бичгийн дарга Төрийн ордны Хүндэт зочны дэвтэрт гарын үсэг зурав.
Ташрамд мэдээлэхэд, НҮБ-ын Ерөнхий нарийн бичгийн дарга Антонио Гуттереш өнөөдөр Ерөнхийлөгч У.Хүрэлсүхэд бараалхахын хамт "Тэрбум мод" хөдөлгөөнд оролцож, мод тарих хөтөлбөртэй байгаа юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
За нэг англиар ярчих кк к
Xurelsukhee NUB iin odoogiin dargiin neriig sain togtooj avsan biz dee Chi darga NUBiin darga nariin ovog neriig anduuraad baidag shuu