НИЙГЭМ

Эрчим хүчний салбарт эдийн засгийн хүндрэл үүсэж, ослын тоо нэмэгдэж байна

Эрчим хүчний салбарт эрсдэлтэй ажлын байр үүссэн талаар мэргэжилтнүүд болон Монголын эрчим хүч, геологи, уул уурхайн үйлдвэрчний эвлэлийн холбооноос мэдээлэл хийлээ.

Ингэхдээ "2019 оноос хойш эрчим хүчний салбарын үнэ тариф огт хөдлөөгүй. Салбарын байгууллагууд үйлдвэрлэсэн үнээсээ 5-59 хувиар доогуур үнээр эрчим хүчээ борлуулж байна. Үүнээс үүдэн эдийн засгийн хүндрэлүүд үүсэж байгаа. Тухайлбал, эрчим хүчний салбарт 2019 онд 59, 2020 онд 92, 2021 онд 78, 2022 оны хүлээгдэж буй дүн 168.2 тэрбум төгрөгийн алдагдал хүлээхээр байна. Хөрөнгийн эх үүсвэр дутагдалтай байгаагаас шалтгаалж шаардлагатай засвар үйлчилгээний ажлаа цаг хугацаанд нь хийж чадахгүй, дэвшилтэт технологийг нэвтрүүлэх боломжгүй байна. Станцууд болон шугамын насжилт ихэссэнтэй холбоотойгоор шинэчлэлт хийж чадахгүй байгаа тул аваар ослын тоо ихсэж байна" гэлээ.

Тус салбарт хөрөнгийн эх үүсвэрийн дутагдлаас үүдэн Хөдөлмөрийн тухай хуулийг дагаж мөрдөх, хамтын гэрээ хэлэлцээрийг хангуулах, асуудал орхигдсон байна.

Үүсээд буй нөхцөл байдлын талаар Ерөнхий сайд Л.Оюун-Эрдэнэд тавдугаар сарын 18-нд албан бичиг хүргүүлсэн ч хариу ирүүлээгүй байна. Тийм учраас салбарт гарч буй хүндрэл бэрхшээлийн улмаас ямар нэгэн аваар осол, саатал гарвал хариуцлагыг нь Ерөнхий сайд хариуцах ёстой гэж үзэж буйгаа илэрхийллээ.

Б.БАЯРТ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
иргэн
иргэн
2022-09-27 11:54

Эрсдэлтэй ажлын байр үүссэн гэж юуг хэлээд байгаан бол?

Холбоотой мэдээ

Back to top button