ДЭЛХИЙ

Гурван настай хүү ачааны машинд дайруулсан ч амьд гарчээ

АНУ-ын Нью-Йорк хотын Стэйтэн Айланд дүүрэгт гурван настай хүү ачааны машинд дайруулсан хэрэг өнгөрсөн баасан гарагт бүртгэгджээ. Тэрбээр ээжийнхээ хамт автобуснаас дөнгөж буугаад зогсож байхад нь ийм үйл явдал болсон тухай цагдаа нар мэдээлжээ.

Гэрчүүдийн хэлж буйгаар өглөөний 10 цаг 19 минутын орчимд хүү хөтөлж байсан ээжийнхаа гараас мултарч машин зам руу гүйсэн аж. Ийнхүү мөнгөлөг өнгийн Форд Такома маркийн ачааны машины урдуур орж, дайруулсан байна. Гайхамшигтай нь, хүүгийн амь эрсдээгүй бөгөөд зөвхөн зүүн хөлөө хугалсан оноштойгоор эмнэлэгт эмчлүүлж байна.

Ачааны машины жолооч дүрмийн дагуу ногоон гэрлээр явж байсан учир хэнд ч эрүүгийн хэрэг үүсгээгүй юм байна.

Х.ЭРХЭС

Холбоотой мэдээ

Нэг сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close