Гадаад мэдээДЭЛХИЙ

Буутай этгээд Парисын гудамжинд гурван хүний аминд хүрлээ

Францын нийслэл Парисын төвд зэвсэгт этгээд гал нээж, гурван хүний аминд хүрч, гурван хүнийг шархдуулсан хэрэг гарчээ. Шархадсан гурван хүний нэгийнх нь биеийн байдал хүнд байгаа бол бусад нь хүнд бэртэн эмчилгээ хийлгэж байгаа аж.

Гэмт этгээд Курдын соёлын төвийн гадаа отож байгаад курд хүмүүсийг хөнөөсөн тул арьс өнгөөр ялгаварлан гадуурхлаас үүдэлтэй халдлага байж магадгүй хэмээн сэжиглэн шалгаж байгаа юм байна.

Цагдаа нар гэмт этгээдийг баривчилсан бөгөөд энэ жил 69 настай, шоронгоос суллагдаад удаагүй этгээд байсан гэнэ.

Парис хотын прокурор Лауре Беккугийн хэлснээр, гэмт этгээд урьд өмнө арьс өнгөөр ялгаварлан гадуурхах үзэл дээр суурилсан гэмт хэрэг үйлдэж байсан.

Тодруулбал,  2021 оны арванхоёрдугаар сарын 8-нд Парисын ойролцоох цагаачдын майхан хуаран руу сэлэм барин дарч, халдлага үйлдэхийг завдаж байжээ. Ийм ноцтой үйлдэл гаргасан хүнийг яагаад ийм хурдан сулласан бэ гэдгийг хэвлэлүүд гайхан бичиж байна.

Энэ хэрэг гарсны дараа гудамжинд иргэд, цагдаа нарын хооронд үл ойлголцол үүсэж, улмаар бага хэмжээний мөргөлдөөн гарчээ.

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Батсайхан

Сэтгүүлч, орчуулагч мэргэжилтэй. Сэтгүүл зүйн салбарт 19 дахь жилдээ ажиллаж байна. МСНЭ-ийн "Ган үзэгтэн" шагналтай, "Хэвлэл мэдээллийн тэргүүний ажилтан", "Санхүү, банкны тэргүүний ажилтан" цол тэмдэгтэй.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button