Гадаад мэдээДЭЛХИЙ

Балбын онгоцны зорчигч ослын сүүлчийн мөчүүдийг бичиж үлдээжээ

Балба улсад сүүлийн 30 жил болоогүй олон хохирогчтой онгоцны осол өнгөрсөн ням гарагт болсон билээ. Тэгвэл ослын үеэр онгоцонд болсон нөхцөл байдлыг нэгэн зорчигч гар иутасныхаа камерт бичиж үлдээсэн нь олдоод байна.

Ослын сүүлийн мөчүүдийг бичсэн зорчигчийг Сону Жайсвал гэх бөгөөд онгоц газардах үед шууд дамжуулалт хийж байсан аж. Тэрээр гурван найзын хамт Энэтхэгээс Катмандуд очиж, улмаар Покхара руу явж байхдаа осолджээ. Түүний хийсэн бичлэгт Покхара нисэх буудлын орчны байдлыг болон онгоцонд сууж яваа зорчигчдыг харуулж байх бөгөөд Сону өөр ч мөн царайгаа харуулан инээмсэглэж байх аж.

Хэсэгхэн хугацааны дараа онгоц гэнэт эргэлдэж, улмаар их чимээ гаран галын дөл улалзаж, утаа гаран юу ч харагдахгүй болж байгаагаар уг бичлэг төгсжээ. Гэхдээ юм харгдахгүй ч бичлэг тасрах хүртэл хөдөлгүүр дэлбэрэх, онгоц хагарах чимээ сонсогдож байсан аж.  

Энэхүү видео бичлэгийг Сону Жайсвалын найз Мукеш Кашъяп сэтгүүлч Шашикант Тиварид “Фэйсбүүк” хаягнаасаа үзүүлжээ.

Сону онгоцонд яаж шууд дамжуулах боломж бүрдүүлсэн нь тодорхойгүй байгаа аж.

Непалын парламентын гишүүн асан Абхишек Пратап Шах мөн уг бичлэгийг хийсэн гар утсыг олсноо NDTV телевизэд мэдээлж, бичлэг жинхэнэ болохыг баталжээ.

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Батсайхан

Сэтгүүлч, орчуулагч мэргэжилтэй. Сэтгүүл зүйн салбарт 19 дахь жилдээ ажиллаж байна. МСНЭ-ийн "Ган үзэгтэн" шагналтай, "Хэвлэл мэдээллийн тэргүүний ажилтан", "Санхүү, банкны тэргүүний ажилтан" цол тэмдэгтэй.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button