Гадаад мэдээДЭЛХИЙ

А.Арестович Украины Ерөнхийлөгчийн зөвлөхийн ажлаа өгчээ

Украины Ерөнхийлөгчийн зөвлөх Алексей Арестович ажлаа өгчээ. Тэрбээр «Политика страны» телеграм хуудаст энэ талаараа бичсэн бөгөөд шалтгаанаа “Зарчмын алдаа гаргасны учир” гэж тайлбарласан байв.  

Түүний гаргасан зарчмын алдаа гэдэг нь өнгөрсөн бямбаас ням гарагт ОХУ Украины хотуудыг пуужингаар харвасан тухай мэдээллийг дамжулахдаа хийсэн тайлбартай нь холбоотой. Тодруулбал, ОХУ-ын харвасан пуужин Украины Днепр хотын орон сууцны барилгыг онож, энгийн номхон иргэд амь үрэгдсэн хэргийг тэрбээр “ОХУ-ын харвасан пуужинг Украины пуужингаас эсэргүүцэн хамгаалах систем угтаж устгахыг оролдсоны улмаас чиглэл нь өөрчлөгдөж, орон сууцны байшин дээр унасан” гэж тайлбарласан нь буруудсан юм байна.

Цэргийнхэн “Бид пуужинг угтаж утгахыг оролдоогүй, пуужин шууд орон сууцны хорооллыг онилсон байсан” гэж мэтгэсэн аж. Гэсэн ч А.Арестович өөрийн мэдэгдлээ үнэн хэмээн зүтгэсэн бөгөөд Украины зарим улстөрчид “Эх орноосоо урвасан” гэж буруутгасны параа огцрох өргөдлөө өгчээ.

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Батсайхан

Сэтгүүлч, орчуулагч мэргэжилтэй. Сэтгүүл зүйн салбарт 19 дахь жилдээ ажиллаж байна. МСНЭ-ийн "Ган үзэгтэн" шагналтай, "Хэвлэл мэдээллийн тэргүүний ажилтан", "Санхүү, банкны тэргүүний ажилтан" цол тэмдэгтэй.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button