Төв Азийн улсуудад өрнөж буй үйл явдлын мэдээллийг хүргэдэг centralasia.media цахим хуудаст “Монгол Улс орос дүрвэгчдийн хоёр дахь давлагаанд бэлэн үү” гэсэн гарчигтай мэдээлэл нийтлэгджээ.
Мэдээлэлд, ОХУ-ын Ерөнхийлөгч В.Путин өнгөрсөн арванхоёрдугаар сарын 22-нд армийнхаа бие бүрэлдэхүүнийг 30 хувиар нэмэгдүүлэх төлөвлөгөө танилцуулсаны дараа ОХУ-аас цэргийн насны эрчүүд гадагшлах үйл явц буюу “давлагаа” дахих нь тодорхой болсон гээд энэхүү давлагаанд цохигдох улсын нэгээр манай улсыг нэр цохжээ. Нийтлэлд В.Путин төлөвлөгөө зарламагц л Монгол Улс дүрвэгсдийн ээлжит давлагаанд бэлтгэж эхэлсэн гэсэн байна.
Эхний “давлагаагаар” Улаанбаатарт ирж оршин сууж буй оросуудын байр суурийг ч аваад амжсан байв. Жишээ нь, 15 настай, Санкт Петербургээс ирсэн Валерия “Аавыг цэрэгт татчих эрсдэлтэй учраас нутаг буцах эсэхээ сайн мэдэхгүй байна” гэжээ.
В.Путин цэргийн хэсэгчилсэн дайчилгаа зарласны дараа ОХУ-д дүрвэгчдийн эхний “давлагаа” эхэлж, 1.4 сая хүн гадагшилсны тодорхой хувь нь Монгол руу гарсан юм. Одоогоор Монголд 22,000 гаруй орос иргэн байгаа ч хэд нь Монголд үлдэх, хэд нь цааш явахыг таах аргагүй. Ямартай ч Монгол дахь оросуудын үүсгэсэн телеграм сувагт 7638, “Монголд байр, өрөө хөлслүүлнэ” сувагт 1457, “Монголд ажил хийх” сувагт 2562 хүн бүртгэлтэй байгааг нийтлэлд онцлон дурджээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Мөнгөө аваад ирээд байгаарай
БИТГИЙ ИНГЭЖ ХУДЛАА ЧААЖ БАЙГААЧ ИРВЭЛ ИРНЭ Л БИЗ ЯАДЫН НЭГ ӨРӨӨНДӨӨ ТОМ МЭЭМТЭЙ ОРОС ХҮҮХЭН БАЙРЛУУЛЬЯА БЫСДА ГЭЖ