ДЭЛХИЙ

Гоо сайхны бүтээгдэхүүнээс хар тамхи гарч иржээ

АНУ-ын Манхэттэн дүүрэгт Make Up Artist салон ажиллуулдаг Кристина Милано “Sephora” брэндийн гоо сайхны бараанаас хар тамхины төрлийн бодис илрүүлжээ. Тодруулбал, тэрбээр тус брэндийн гоо сайхны багц бүтээгдэхүүнийг худалдаж авсан бөгөөд, нүүрний энгэсэг дотроос нэжгээд кокейн, түүнийг хамраар сорох зориулалт бүхий соруулын хамт гарч ирсэн байна.

Өдгөө 30 настай бүсгүй гоо сайхны бараа нийлүүлдэг нэлээд нэрд гарсан Франц эрээс 300 орчим доллараар тус багцыг эртнээс захиалж, худалдаж авсан гэдгээ хэлжээ. Тэр нэн даруй цагдаад кокейн оллоо хэмээн хандсан аж. Харин цагдаа нар, “Та кокейн гэдгийг хараад яаж мэдэж байгаа юм бэ?” гэхэд урьд өмнө хар тамхины хамаарлаас болж шаналж байсан тухайгаа хэлсэн байна.

Уг хэргийг Нью-Йоркийн цагдаа нар шалгаж байгаа бөгөөд, гоо сайхны бараанд хар тамхи хийж хилээр нэвтрүүлэх явдал сүүлийн үед газар аваад байгаа тухай сэрэмжлүүлж байгаа юм.

С.ЧИЧҮҮЛЭН

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

4 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button