ДЭЛХИЙ

АНУ-д 14 настай хүү сагсан бөмбөгийн талбай дээр буудуулж нас барсан хэрэг гарчээ

Нью-Йорк хотын Күийнз хотхон дахь сагсан бөмбөгийн талбай дээр 14 настай хүү дагз руугаа буудуулж нас барсан хэрэг өнгөрсөн бямба гарагт гарчээ. Цагдаа нарын хэлснээр хүүгийн нэрийг Амир Гриффин гэдэг байсан бөгөөд, хэрэг гарсны дараа яаралтай тусламжаар Яамайкагийн эмнэлэгт хүргэгдсэн боловч оройн 18 цагийн орчимд амьсгал хураасан байна.

“Хүү маань үхчихлээ. Түүний хийдэг байсан цор ганц зүйл нь сагсан бөмбөг тоглох. Өглөө 7 цагт босоод л сагсан бөмбөгийн талбай руу гүйдэг байсан” гэж хүүгийн аав Ларри Жарвис хэлжээ. Хөршүүд нь ч хүүг эелдэг зантай, хүмүүжилтэй хүү байсан гэдгийг цагдаа нарт мэдээлсэн байна. Харин сургуулийнх нь багш Амирийг нэг ч удаа хичээл тасалж үзээгүй хэмээжээ.

Хүүг буудсан хэрэгтэн одоогийн байдлаар олдоогүй ба цагдаа нар хэнийг ч сэжигтнээр татаагүй байна. Эрэн сурвалжлах ажиллагаа хийгдэж буй. 14 настай хүүгийн эл үхлийн шалтгаан олон хүнд асуулт болон үлдэж, Америкийн хэвлэлүүд идэвхтэй мэдээлсээр байна.

С.ЧИЧҮҮЛЭН

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

2 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button