Энэ сарын 15-ны өдөр СХД-т насанд хүрээгүй хүүхэд нэгнийгээ хутгалсан гэх хэрэг цагдаагийн байгууллагад бүртгэгдсэн байна. Тодруулбал, холбогдох өдрийн 15 цагийн орчимд тус дүүргийн 15-р хороонд байрлалтай хүнсний дэлгүүрт зүс таних хүүхэд өөр нэгэн хүүхдийг хутгалаад зугтлаа гэсэн дуудлага иржээ. Үүний дагуу яаралтай эрэн сурвалжлах ажиллагаа зохион байгуулж, гарандаа хутгалуулсан 15 настай Т болон, хэргийг үйлдсэн мөн 15 настай Ө нарыг олж тогтоосон байна.
Т-ийн биеийн байдал одоогоор хэвийн байгаа бөгөөд, иргэдийг өсвөр насны хүүхдүүддээ сонор сэрэмж, анхаарал хяналт сайтар тавихыг сануулж байна.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.