Бугын ходоодноос 7 кг хог хаягдал гарчээ
Тайланд улсын хойт хэсэг дэх на Нои мужид амьтны хүрээлэнгийн 10 настай эрэгчин бугыг үхсний дараа задлан хийж үзэхэд ходоодноос нь 7 кг хог хаягдал гарчээ. Тухайлбал үүнд резинэн бээлий, гялгар уут, эрэгтэй дотоож, жижиг алчуур, бэлэн гоймон сэлт байсан аж. Иймээс тус хуванцар хог хаягдлуудын боловсорч үлдээгзй хэлтэрхийнүүд бугын хоол боловсруулах замыг түгжрэлд оруулсан байна гэсэн дүгнэлтийг эмч нар хийжээ.
Эл явдалд холбогдуулан албан тушаалтнууд тус амьтны хүрээлэнд хог хаягдал цэвэрлэх гурван үе шаттай ажиллагааг явуулахаар болсон гэнэ. Greenpeace баөйгууллагаас хийсэн судалгаагаар, Тайланд улсад нэг жилд 75 тэрбум ширхэг гялгар уут хаягддаг байна. Ийм ч учраас тус улсын Байгаль орчны яамны шийдвэрээр ирэх оны нэгдүгээр сараас супермаркетуудад гялгар уут худалдахгүй байх чиглэлийг өгөхөөр болжээ.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.