ХУУЛЬ

10 сартай охиноо танихгүй айлд үлдээгээд алга болжээ

Нийслэлийн харьяат иргэн 10 сартай төрсөн охиноо танихгүй айлд үлдээгээд, долоо хоног алга болсон байна. Тодруулбал, 11 дүгээр сарын 25-ны өдөр тухайн иргэн фэйсбүүк орчинд хүүхдээ өдрийн 20 мянган төгрөгөөр харуулах тухай зар тавьж, холбоо барьсан айлд үлдээгээд ор сураггүй алга болсон аж. Хүүхдийг нь харахаар авч үлдсэн эмэгтэй дөрвөн хүүхэдтэй, мөнгө хэрэг болсон учир хүүхдийнхээ хажуугаар нэг өдөр харж өгөхөөр болсон гэх. Гэвч дараагийн хоёр өдөр нь “Хүүхдээ ирж авах боломжгүй, ажил ихтэй байна” хэмээн утсаар яриад, улмаар утас болон фэйсбүүк хаягаараа холбоо барихгүй алга болжээ. Иймд тэрбээр цагдаагийн байгууллагад хүүхдийг хүлээлгэн өгсөн байна. Харин одоо цагдаагийн байгууллага охины ээжийн утас болон фэйсбүүк хаягаар эрэн сурвалжлах ажиллагааг эхлүүлээд байна.

Т.САНТ

Холбоотой мэдээ

СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
140
Back to top button