Нийгмийн

Тэргэнцэртэй хүнд зориулсан бага оврын автобус тоноглон бэлэглэлээ

Жил бүрийн арванхоёрдугаар сарын 3-нд “Хөгжлийн бэрхшээлтэй иргэдийн эрхийг хамгаалах өдөр” тохиодог.

“ХҮРТЭЭМЖТЭЙ ИРЭЭДҮЙ” уриан дор тэмдэглэн өнгөрүүлж буй энэ өдөр Зам, тээврийн хөгжлийн яам тэргэнцэртэй хүнд зориулан тусгайлан тоноглосон бага оврын автобусыг Хөгжлийн бэрхшээлтэй хүний хөгжлийн ерөнхий газарт хүлээлгэн өглөө.

Хөгжлийн бэрхшээлтэй хүний хөгжлийн ерөнхий газрын дэд дарга Д.Ганболд “Монголд анх удаа Хөгжлийн бэрхшээлтэй хүүхдийн хөгжлийн төвийг Хятадын засгийн газрын дэмжлэгтэйгээр байгуулсан. Тиймээс бид энэхүү машиныг маш идвэхтэй ашиглана. Хэрэгцээ шаардлагатай хүмүүст нь хүргэж ажиллахыг хичээнэ. Их эрэлт, хэрэгцээтэй байсан зүйлийг олж харж, хийсэн Зам, тээврийн хөгжлийн яамныхандаа маш их баярлалаа” гэсэн юм.

“MXM Монгол хүн мандтугай” компанийн захирал Д.Майнбаяр “Зам, тээврийн хөгжлийн яам нийгмийн хариуцлагынхаа хүрээнд Монголд анх удаа хөгжлийн бэрхшээлтэй иргэнд зориулсан машиныг тоноглон өгч байна. Нүдээ олсон ажил болж байна гэж бид дүгнэж байгаа. Манай “MXM Монгол хүн мандугай” компани тоноглох ажлыг АНУ-ын стандартаар хийсэн. Тэргэнцэртэй иргэдийг үзвэр үйлчилгээ үзүүлэх, аялал зугаалгаар явуулах зэрэг нийгмийн оролцооны шаардлагад нийцүүлэн лифт болон тоноглолыг хийж өгсөн. Лифт 12 вольтоор ажилладаг. Машин маань 6 хүний багтаамжтай” гэлээ.

ЭХ СУРВАЛЖ: ЗТХЯ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button