Х.Бадамсүрэнгийн эхнэрийн хамаатан гэгддэг Ж.Ганзоригийн хэргийг шүүхэд шилжүүлжээ

П. Урнаа2 долоо хоног

7 1 минут уншина

АТГ эрүүгийн 914 хэрэгт мөрдөн байцаалтын ажиллагаа явуулснаас өнгөрсөн долоо хоногт 17 хэргийг шүүхэд шилжүүлэх, 17 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлсэн.

Шүүхэд шилжүүлсэн хэргүүд дунд, “Эрдэнэт үйлдвэр” ТӨҮГ-ын удирдах алба тушаалтан “Г” нь албан үүрэг, бүрэн эрхээ урвуулан бусдад хууль бус давуу байдал бий болгосны улмаас тус үйлдвэрт 257,6 сая төгрөгийн хохирол учруулсан гэх хэрэг багтжээ.

Тус Г нь Ж.Ганзориг бөгөөд “Эрдэнэт үйлдвэр” ТӨҮГ-ын Худалдан авалт, хангамжийн хэлтсийн орлогч даргаар ажиллаж байсан.

Түүнийг 2021 оны хавар Авлигатай тэмцэх газраас саатуулан, шалгаж эхэлсэн. Улмаар АТГ-аас 2023.10.03-нд шүүхэд шилжүүлэх саналтайгаар прокурорын байгууллагад хүргүүлж байв. Тухайн үед Ж.Ганзоригоос гадна мэргэжилтэн О.Марал-Эрдэнийг албан тушаалын байдлаа урвуулан ашиглаж бусдад давуу байдал бий болгосон, тендерт оролцсон аж, ахуй нэгжээс авлига, хахууль авсан гэх хэрэгт сэжиглэн хойшлуулашгүй ажиллагааны хүрээнд саатуулсан гэх мэдээлэл цацагдаж байсан билээ.

Ташрамд, Ж.Ганзориг нь "Эрдэнэт үйлдвэр" ТӨҮГ-ын дарга асан Х.Бадамсүрэнгийн эхнэрийн хамаатан гэгддэг. Х.Бадамсүрэнгийн нөлөөгөөр ийн тушаал дэвшсэн гэгдэж байлаа.

Энэ мэдээнд өгөх таны үнэлгээ

Хуваалцаарай Жиргээрэй

Таг

П. Урнаа2 долоо хоног

7 1 минут уншина

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.