АНУ-ын мэргэжлийн сагсан бөмбөгийн лиг болох NBA-ын супер одуудын нэг Стефен Көрри "Under Armour" брэндтэй гэрээгээ цуцалжээ. Бүх цаг үеийн мэргэн бууч Стефен Көрри тус брэндтэй 13 жилийн турш хамтран ажилласан юм. Талууд харилцан тохиролцоонд хүрсний эцэст гэрээгээ дуусгавар болгож байгаагаа албан ёсоор зарласан байна.
Тэдний хамтрал ирэх оны хоёрдугаар сард гарах "Көрри13" загварыг худалдаанд гаргаснаар тэдний хамтрал дуусах аж. Түүнчлэн Under Armour-н дор тусдаа хөгжүүлж байсан "Curry" брэндийг Стеф Көрри цаашид ганцаараа эзэмшиж, өөр аливаа компанитай хамтрах эрх нь нээлттэй үлдэж байгаа юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.