ХӨСҮТ коронавирусийн оношлуурыг өнөөдрөөс ашиглаж эхэлнэ
Шинэ коронавирусийг оношлох оношлуурыг Америк, Герман, Японы эрдэмтэд хамтран зохион бүтээсэн. Тэд коронавирусын генетикийн дарааллыг олж тогтоосноор уг аппаратыг бүтээж, эхний оношлуурыг Япон улс үйлдвэрлэсэн юм.
Манай улс уг оношлуурыг өнгөрсөн долоо хоногт захиалсан бөгөөд өнөөдөр /2020.01.27/ Япон Улсын Халдварт өвчин судлалын үндэсний хүрээлэнгийн томуугийн лабораторийн захирал Япон Улс дахь Монгол Улсын Элчин сайдын яамны 1-р нарийн бичгийн дарга Б.Отгонбаатарт гардуулж өгсөн. Ийнхүү урд шөнийн байдлаар тус оношлуурыг Монгол Улс хүлээн авсан.
Тэгвэл ХӨСҮТ-ийн эмч ажилчид тус оношлуурыг өнөөдрөөс эхлэн хэрэглээнд нэвтрүүлж буй бөгөөд шинэ төрлийн коронавирусийн халдварыг эцсийн байдлаар шинжлэх боломжтой болж байгаа юм. Энэ талаар ЭМЯ-наас дэлгэрэнгүй мэдээлэл хийнэ гэх мэдээлэл байна.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Утсан дээр харуулсан байна утсан дээр суурилуулж болох юм уу