НИЙГЭМ

Монгол Улс БНХАУ-тай хиллэдэг ХИЛЭЭ ХААХААР шийдвэрлэлээ

Засгийн газрын өнөөдрийн ээлжит бус хуралдаанаар хэд хэдэн шийдвэр гаргав. БНХАУ, Монголын хоорондын нислэг, төмөр замын тээврийг маргаашнаас зогсоохоор болсон талаар бид өмнө нь мэдээлсэн.

Тэгвэл Монгол Улс БНХАУ-тай хиллэдэг хилээ хаахаар шийдвэрлэлээ. Энэ шийдвэр маргаашнаас хэрэгжиж эхэлнэ.

Түүнчлэн БНХАУ-ын иргэдийг Монгол Улс руу нэвтрүүлэхгүй байхаар болов. Урд хөршийн иргэд өөр улсаар дамжин ирсэн ч Монгол Улсын хилээр нэвтрүүлэхгүй байхаар шийдвэрлэжээ.

Энэ талаар Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг “Маргаашаас эхлэн БНХАУ Монгол Улсын хооронд үйлддэг нислэг, төмөр замын зорчигч тээврийг бүрэн зогсооно. Өөрөөр хэлбэл маргаашаас эхлэн Монгол Улс хилээ 100 хувь хаасан гэж ойлгож болно. Монгол Улсын иргэд хүндэтгэх шалтгаантай бол тусгай нислэгээр татан авна. Энэ ажлыг Гадаад харилцааны яам хариуцна” гэлээ.

Мөн Хил хамгаалах ерөнхий газрын дарга, генерал Ж.Бямбасүрэн “Замын-Үүд, Гашуунсухайт, Буянт-Ухаагийн боомтын агаарын хилийн хөдөлгөөнийг зогсоох шийдвэр гаргалаа.

Хоёрдугаар сарын 1-нээс боомтуудаар БНХАУ-ын иргэд болон тус улсаар дамжиж ирсэн бусад орны иргэдийг нэвтрүүлэхгүй. Өнөөдөр хамгийн сүүлчийн нислэг үйлдэгдэнэ. Маргаашнаас онгоцны нислэгийг зогсооно.

Засгийн газрын шийдвэр гарсан учраас Монгол Улсын иргэд ч БНХАУ руу болон тус улсаар дамжин явах боломжгүй болж байна” гэлээ.

Холбоотой мэдээ

9 Сэтгэгдэл

  1. Ингээд л хаах байсан юм бол эртхэн хаахгүй дээ баахан оруулж заваарчихаад эргүү хүүрнүүд оройтсон ч гэсэн яахав дээ баярлахаас даа одоо орон нутгийн замаа 20.с 3-2.н хүртэл хаавал таарна тэгэхгүй бол хэнэггүй хүмүүс хөдөөгүүр хэснэ шүү

  2. БИДДУ ХҮҮХЭД ХУУРЧ БАЙГАА ЮМ ШИГ? АЛЬ ХЭД ХОНОГИЙН ѲМНѲ ХААЛАА НТР ГЭЭГҮЙ БИЛҮҮ? ХУЖААГИЙН ЭЛЧИНГЭЭС БАЙЖ БАЙ ХЭДЭН ХУЖАА ОРУУЛААДХАЯ ГЭСЭН БОЛОЛТОЙ ЮМДАГ УУ ДАА? ТѲР ГЭЖ ЮМ АЛГА!

  3. Эрээнээс жимс ногоо яваад байгаан биш үү дан чинглэгтэй ВОЛЬВО их явж байна даа Замын үүдээс

  4. Хаагаагүй өчнөөн олон хонож байж гэнэт өнөөдөр хаагаад байхдаа яахавдээ. Хятадад байгаа монгол хүмүүсийг яаа гээд байгаа юм зүгээр үх гэж байгаа юм уу тэ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button