НИЙГЭМ
Нийтийн тээврийн автобус амралтын өдрүүдэд 08.00-22.30 цагийн хооронд үйлчилнэ
Шинэ төрлийн коронавирусийн халдвар дэгдэх өндөр эрсдэлтэй байгаатай холбогдуулж тогтоосон замын хөдөлгөөний хязгаарлалтыг гуравдугаар сарын 3-ны 08.00 цаг хүртэл сунгасан. Үүнд нийтийн тээврийн автобуснуудын хөдөлгөөн ч мөн багтсан билээ.
Улмаар өчигдөр болон өнөөдөр нийтийн тээврийн найман чиглэлийн автобус, тусгай хуваарийн дагуу иргэдэд үйлчилсэн. Харин маргааш, нөгөөдөр буюу бямба, ням гарагийн амралтын өдрүүдэд 08.00-22.30 цагийн хооронд, 580 орчим чиглэлийн автобус хөдөлгөөнд оролцох юм байна.
Харин ХО:4 Тэрэлж, ХО:5 Налайх, ХО:6 Өлзийт, ХО:7 Туул тосгон, ХО:9 Био комбинат, ХО:10 Эмээлт, ХО:11 Хонхор, ХО:12 Мал бордох, ХО:13 Баруун түрүү гэсэн есөн чиглэлийн автобус өглөө 08:00-09:30, орой 18:20-19:50 цагуудад үйлчлэх аж.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
давхар автобус тийм ч сүртэй өндөр биш угсраа автобусанд ороход шат байдаггүй