НИЙГЭМ
Гэр нь шатсаны улмаас амиа алджээ
Дархан-Уул аймгийн Дархан сумын тавдугаар баг “Түмний гурил” ХХК-ийн хашаанд иргэн Э-ын таван ханатай гэр шатаж байна гэсэн дуудлага гуравдугаар сарын 28-ны өдрийн 23.52 цагт тус аймгийн онцгой байдлын газарт иржээ.
Энэ дагуу тус аймгийн Онцгой байдлын газрын Гал түймэр унтраах, аврах 54 дүгээр ангийн зургаан аврагч хоёр автомашинтай 3.5 км замыг туулан 20 минут ажиллаж унтраасан. Улмаар гал түймрийн голомтыг аймгийн Цагдаагийн газрын бүрэлдэхүүнд шилжүүлэн өгсөн. Харамсалтай нь иргэн Э-ын 44 настай эхнэр Ц нь гал түймэрт өртөөгүй ч гэрийн гадна нас барсан байдалтай олдсон байна.
Г.ЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.