Эрүүл мэндийн яамнаас “COVID-19” халдварын асуудлаар цаг үеийн мэдээлэл өглөө.
ОЛОН НИЙТИЙН ГАЗАРТ ХАЛДВАР ТАРХАХ ЭРСДЭЛ ӨНДӨР БАЙНА
Мэдээллийн эхэнд Эрүүл мэндийн яамны хэлтсийн дарга Д.Нарангэрэл дэлхий дахины “COVID-19” халдварын тархалтын шинэчлэгдсэн мэдээллийг хүргэв.
“Дэлхийн 79 оронд өвчлөл бүртгэгдсэнээс 95424 хүн өвчлөн 3283 хүн нас баржээ. БНСУ-д 438 шинэ тохиолдол бүртгэгдсэнээс 320 Тэгү хотод илэрсэн байна. Мөн Итали Улсад Салса бүжгийн дугуйланд явж байсан хүмүүс, Японы Осака хотод театрын тоглолт үсэн 15 хүнээс сэжигтэй тохиолдол илэрсэн байна. Олон нийтийн газарт өвчлөл хамгийн их тархаж багаа нь үүнээс харагдаж байгаа юм. Мөн бусад оронд ахмад настан, архаг хууч өвчтэй хүмүүс ихээр өвчилж байна.
ДЭМБ-аас “COVID-19” халдвар нь улирлын томуу биш. Томуугаас хэд дахин илүү аюултай, олон хүн нас барж байна. Дэлхийд тус өвчлөлийг эсэргүүцэх чадвартай нэг ч хүн байхгүй. Иймд иргэн бүр хувийн ариун цэврээ сахиж, урьдчилан сэргийлэх нь зүйтэй” гэлээ.
Гадаад харилцааны хамтын ажиллагааны дарга Б.Янжмаа “ Япон улсад шинээр 30 гаруй тохиолдол бүртгэгдсэн байна. Тус улсын судлаачид шинэ эмийг гаргах тал дээр ажиллаж байна. АНУ-д баруун эрэгт 2500 хүн Мексик руу аялж байсан аяллын хөлөгт сэжигтэй тохиолдол илэрсэн. Улмаар хөлгийг Сан-Франциско боомт руу буцааж, тусгаарласан байна. Итали улс бүх боловсролын байгууллагын үйл ажиллагааг 3сарын 15-ныг хүртэл зогсоосон байна. Мөн Иран улсад 30 мянга гаруй эмнэлгийн ажилчдыг халдвартай нөхцөлд дайчлан ажиллуулж байгаа аж” гэсэн мэдээлэл өгөв.
ИРГЭН БҮРИЙН ХАРИУЦЛАГА ХАМГИЙН ЧУХАЛ
Эмнэлгийн тусламжийн дарга Я.Буянжаргал Монгол Улсын өнөөгийн нөхцөл байдлын талаар мэдээлэв.
“Өнөөдөр Нурсултан-Улаанбаатар чиглэлээр ирсэн 27 иргэнээс нэг хүнийг ажиглалтад авч, тусгаарласан. Мөн Иранаас ирсэн хоёр хүнийг ХӨСҮТ-д тусгаарлаад байна. Харин өчигдөр Москва-Улаанбаатар чиглэлээр ирсэн нэг гэр бүлийн гурван иргэн Итали улсад байсан мэдүүлгээ нууж ирсэн байна. Бид хуулийн байгууллагуудтай хамтарч тэднийг худал ярьсныг нь илрүүллээ. Энэ бол иргэний маш хариуцлагагүй үйлдэл. Энэ үед иргэн бүхний хариуцлага хамгийн чухал байна” гэлээ.
Улсын хэмжээнд нийт 532 хүнийг тусгаарлаад байгаа гэнэ. Мөн эмнэлгийн тусламжийн үйлчилгээ хэвийн явагдаж байгааг тэрбээр нэмж хэлэв.
ХӨСҮТ-ийн ерөнхий захирал Д.Нямхүү “2020 оны гуравдугаар сарын 4-нд тусгаарласан дөрвөн тохиолдлоос халдвар илрээгүй. Мөн өнөөдөр нэмж 14 хүнийг ажиглалтад аваад байна. Түүнчлэн уушгины цочмог халдвартай өвчтөнүүдээс эхний таван хоногт 60 хүнээс түүвэрлэн шинжилгээ авахад халдвар илрээгүй. 21 аймагт буй 110 цэгээс улирлын томуугийн тандалтын сүлжээ ажиллаж байгаа. 110 цэгээс вирус илрүүлэх тандалтын ажил хийгддэг. Үүнийгээ ОУ-ын байгууллагуудад илгээн, тандалт судалгаа хийн ажиллаж байна” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Наад хүмүүсээ хатуу шийтгэ. 14 хоног хорионд байхаас айж байгаа хувиа хичээсэн юмнуудыг короно дуустал шоронд хорих ёстой.Муухай арчаагүй зантай юмнууд. Гэр бүлээ ядахдаа бодооч. Хатуу арга хэмжээ авч бусдад сургамж өгөөчээ, төр засгаа
Цаазал
телевизээр нэр устай зургийг нь нийтэд харуул ямар муухай хүмүүс вэ эх орноо боддоггүй бусад хүмүүст сургамж болох хэрэгтэй
Гадаадаар тэнэж тэнэж ирж чадсан улсууд бна. Эмнэлгийн бүх төлбөрийг нь төлүүл. Цайцан хүмүүс гэхээрээ ийм бдаг бнаа
Ийм үeд хариуцлагынх нь тогтолцоог ил бас чанга болгомоор юм.Ямар хариуцлага хүлээх ёстоы.Бас ямар хариуцлага хүлээлгэсэнээ л их ил ярьмаар.Тэрнээс их сул үлбэгэр юм яриал бх юм.Тэгэж хөөцөлдөөд тэгэж олоод гээд