Өнөөдөр /2020.03.12/ ЭМЯ-наас шинэ төрлийн коронавирусийн асуудлаар цаг үеийн ээлжит мэдээллээ өглөө. Энэ үеэр тус яамны Тандалт, судалгааны газрын дарга Д.Нарантуяа,
“Урд шөнө Дэлхийн эрүүл мэндийн байгууллага Covid-19 вирусийн тархалтыг цар тахал гэж албан ёсоор зарлалаа. Энэ нь ямар нэг өвчин дэлхийн хэмжээнд хамарч тархахыг хэлдэг ойлголт. Хамгийн сүүлд 2009 онд томуугийн А хүрээний H1N1 вирус цар тахлын хэмжээнд дэгдэж байсан.
Энэ удаагийн цар тахал хоёр онцлогтой. Нэгт, коронавирусээр үүсгэгдсэн. Хоёрт, хяналтад авах боломжтой. Хамгийн гол нь иргэд худал цуу ярианд итгэх, цааш түгээхээс зайлсхийх хэрэгтэй байна. Өнөөдрөөс 60 биш 40-с дээш насны хүмүүс эрдсэлт бүлэгт орж байна” гэлээ.
Үргэлжлүүлээд ДЭМБ-ын ажилтан Б.Ариунтуяа,
“Сүүлийн 24 цагийн дотор Covid-19 вирусийн халдвар бүртгэгдсэн орны тоо 117 болж нэмэгдлээ. Халдварын тоо 118,326 болсон. Мөн хугацаанд 280 хүн нас барж, нийт эндэгсдийн тоо 4,292 болсон.
Сүүлийн хоёр долоо хоногт БНХАУ-аас бусад оронд бүртгэгдэх халдварын тохиолдол 13 дахин нэмэгдлээ. ДЭМБ цаашид ч мөн нэмэгдэнэ гэж үзэж байна. Мөн зарим нэг орныг урьдчилан сэргийлэх арга хэмжээ авахгүй байгаад харамсаж буйгаа илэрхийлсэн.
БНХАУ, БНСУ-д халдварын тоо эрчимтэй буурч байна” хэмээсэн юм.
Харин ЭМЯ-ны Гадаад харилцаа, хамтын ажиллагааны газрын дарга Л.Янжмаа,
“Covid-19 вирусийн халдварыг цар тахал хэмээн зарласнаас хойш дэлхийн улс орнууд авч буй арга хэмжээнүүдээ улам чангатгаж эхэллээ. Тухайлбал АНУ 24 муж улсдаа онц байдал зарлаж, Европын улсуудаас ирэх, очих зорчих тээврийн хөдөлгөөнийг 30 хоногоор хязгаарлалаа.
БНХАУ тархалтыг амжилттай бууруулж байгаа ч, гадны орноос зөөвөрлөгдөж ирэх тохиолдол бүртгэгдсээр байна. Иймд Бээжингийн нисэх буудал дээр авч хэрэгжүүлэх өндөржүүлсэн бэлэн байдлыг чангатгаж, гаднаас ирсэн хүн бүрийг тусгаарлаж байна” гэлээ.
Гадаад орон яах вэ? Өмнөд Солонгост ковид19-н халдвартай өөд болдог залуутай нисээд ирсэн 40-өөд монголын шинжилгээний хариу яасан бэ? Үүнийг би бараг 5-6 дахь удаагаа асууж байна! Тэр хүмүүс юу болсон. Хамгийн эхний сэжигтнүүд?
Хяналтанд авах боломжтой гэчихээд та нар яагаад хяналтанд аваагүй хилээр чөлөөтэй оруулчихав? Ханиадны агаар дуслын замаар халддаг вирус юм чинь хэдэн ч насны хүн өвдөх эрсдэлтэй шүү дээ! Ийм байхад зөвхөн 40-ээс дээш насныхан өвдөх эрсдэл
Ийм байхад зөвхөн 40-ээс дээш насныхан өвдөх эрсдэлтэй гэж ИЛТ ХУДАЛ мэдээлэлл олон нийтийн хэрэгслээр тараахаа болино уу? Өмнө нь бас худал мэдээлэл тарааж байсан хүн !
Энэ насны хэмжээ хэлж солиордогоо болиоч ээ. Тусахаа хүрвэл нас хамаагүй л юм байна лээ ш дээ. Ахмад болон идэр насны хүмүүсийг ингэж хямраах нь тэр Нарантуяа даргад ямар хэрэгтэй юм. Ер 11 цагийн мэдээллээ товч тодорхой хиймээр..