ДЭМБ-аас коронавирусаас урьдчилан сэргийлэх, эмчлэх тусгай эм байхгүйг мэдэгдсэн билээ. Харин одоогоор коронавирусийн эмчилгээний эмийг турших есөн клиник туршилтыг хийж байгаа юм.
Үүнээс зургаа нь ХДХВ, гепатит В, С өвчнийг эмчлэхийг зөвшөөрсөн эмийг агуулдаг юм байна. Мөн Хятадын үндэсний эрүүл мэндийн комисс ХДХВ-ийн мансууруулах бодис лопинавир/ритонавирийг короновирусийн өвчтөнүүдийг эмчлэхэд ашиглаж болно гэж мэдэгджээ. Тус улсын эрүүл мэндийн ажилтнууд короновирусийг эмчлэхээр ХДХВ, ханиадны эмийг тарааж эхэлсэн байна.
Мөн өнгөрсөн долоо хоногт Reuter агентлаг “ХДХВ-ийн эм нь коровирусийг эмчлэх боломжтой тул вирусийг бие махбодид үржихээс сэргийлдэг байна. Гэвч эдгээр нь одоогоор үхлийн аюултай вирусийг эмчлэх найдвартай арга биш юм” гэдгийг сануулсан юм.
Коронавирусийн улмаас цөхрөнгөө барсан Хятадууд ХДХВ-ийн эмийг маш ихээр авч байгаа юм байна. Үүнээс үүдэн Хятадад ХДХВ-ийн ховордоод байгаа аж. Зарим хүмүүс тус эмийг авахыг хүсэж буйгаа илэрхийлжээ.
Тодруулбал, Хятадын зүүн хэсэгт орших Шангдонг мужийн 38 настай Ли-д коронавирусийн сэжигтэй тохиолдол илэрчээ. Хожим нь шинжилгээгээр сөрөг хариу гарсан ч тэрээр ХДХВ-ийн эм болох Калетрагаас 30 боодол бэлдмэл авсан байна.
Иргэн Ли нь Калетра эмийг коронавирусийг эмчлэхэд ашиглаж болно гэдгийг сонсоод Вейбо дээр бусад өвчтөнүүдэд 5400 шахмалыг санал болгожээ. Харин 5400 шахмалыг мөнгөөр зарж борлуулсан уу эсвэл үнэ төлбөргүй санал болгосон эсэх нь одоогоор тодорхойгүй байгаа юм.
Ухань хотод ижил төстэй шинж тэмдэгтэй боловч одоог хүртэл оношлогдоогүй байгаа өөр нэгэн хүн онлайн зах дээр тус эмийг авахыг хүссэн байна.
Тэрээр “Би бүгдээс гуйж байна. Бүх үр дагаврыг би өөрөө хариуцна” гэж бичжээ.
Б.БАЙГАЛЬ
Эх сурвалж: Business Insider
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.