Баяр наадмын өдрүүдэд Төв цэнгэлдэх хүрээлэн, Хүй долоон худаг чиглэлд зорчих тээврийн хэрэгслүүдэд А, Ж, DК, Ү, Г, улаан, ногоон М зэрэг нийт долоон төрлийн зөвшөөрөл олгоно. Төв цэнгэлдэх хүрээлэнгийн орчим 2500, Хүй долоон худагт 7500 автомашины зогсоол, нөөц 6000, нийт 16,000 тээврийн хэрэгсэл зогсох боломж бүрдүүлжээ.
Иргэдэд авсан зөвшөөрлийн ар талд байрлах маршрутын дагуу хөдөлгөөнд оролцох, ялгалт хийгдэж байгаа уулзварууд дээр байрлагдсан мэдээллийн самбаруудад заасны дагуу хөдөлгөөнөө үргэлжлүүлэхийг зөвлөж байна.
“А”, “ДК” ангиллын зөвшөөрөлтэй тээврийн хэрэгсэл – Төв цэнгэлдэх хүрээлэнгийн баруун талд байрлах “Наадам” төвийн 500 автомашины авто зогсоолд,
“Ж” буюу жуулчдад зориулсан зөвшөөрөлтэй тээврийн хэрэгсэл-Төв цэнгэлдэх хүрээлэнгийн хойд талд “Говийн од” ХХК-ийн зогсоолд байруулна.
“Г” зөвшөөрөлтэй тээврийн хэрэгсэл-ХУД-ийн “Хурд” хорооллын баруун талд байрлах “Суруго Монгол” ХХК-ийн 500 автомашины зогсоолд байрлуулна.
“Ү” зөвшөөрөлтэй тээврийн хэрэгсэл-“Суруго Монгол” ХХК-ийн чанх урд талд 300 автомашины зогсоолд байрлуулна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.