ТОЙМ: У.Хүрэлсүх Засаг толгойлж, сайдын марафон эхлэв

Өнгөрөгч долоо хоногт улстөрийн гол тогоо жинхэнэ буцалж өнгөрлөө. Шинэхэн гишүүд тангарагаа өргөж, Анхдугаар чуулганаа хуралдуулж, 31 дэх Ерөнхий сайдаа тодруулж, УИХ-ын дарга, байнгын хороодын бүрэлдэхүүнээ баталсан долоо хоног өнгөрөв.

-У.ХҮРЭЛСҮХИЙН ХАЛААГ У.ХҮРЭЛСҮХ АВЛАА-

гишүүд тангаргаа өргөсний дараагаа УИХ-ын анхдугаар чуулган хуралдаж, Монгол Улсын 31 дэх Ерөнхий сайдыг тодруулсан юм.  Монгол Улсын 31 дэх Ерөнхий сайдад МАН-ын дарга У.Хүрэлсүх улиран томилогдов.

У.Хүрэлсүхийн хувьд улиран томилогдсон хоёр дахь Ерөнхий сайд төдийгүй Үндсэн хуулиар онцгой эрх мэдэлтэй болсон анхны Гүйцэтгэх засаглалын тэргүүн хийгээд МАН-ын зуун жилийн ой түүний засгийн үед тохиож байна.

Нөгөө талаар унаж доройтсон хүнд хэцүү эдийн засгийг тэр өөрөө өөрөөсөө хүлээн авч байна. Түүний засгийн газарт эдийн засгийх эсрэг ухаалаг, зөв ажиллах үе ирээд байна.

-УИХ-ЫН ДАРГААР Г.ЗАНДАНШАТАР УЛИРАВ-

УИХ-ын анхдугаар чуулганы хуралдаанаар УИХ-ын даргыг томилох асуудлыг хэлэлцсэн билээ.

Эрх баригч МАН Г.Занданшатарыг УИХ-ын даргад улираан томилох санал гаргасан. Улмаар тус саналыг гишүүд 100 хувийн саналаар дэмжиж, Г. Занданшатар УИХ-ын даргаар томилогдсон юм.

-САЙДЫН МАРАФОН ЭХЭЛЖ, ӨВГӨД ХӨГШИДГҮЙ НЭРЭЭ СОЙВ-

Засгийн газрын тэргүүнээ сонгосны дараа сайдын суудлын төлөөх марафон ид эхэлж, УИХ-ын гишүүд дотроо жинхэнэ “бужигнаж” байна. ҮХНӨ-өөр УИХ 76 гишүүнээс дөрвийг нь л сайд болгох квот тогтоогоод өгчихсөн.

Энэ дөрвөн сайдын суудлын төлөөх ширүүн өрсөлдөөнд зарим өвгөчүүл гандан буурахгүй нэрээ дэвшүүлж явна. Анх удаа сонгогдсон шинэковудаа ах, эгч нар нь тоглоомоос гаргаж буй дүр зурагтай. Хурлын үеэр У.Хүрэлсүх “сайдаар Л.Оюун-Эрдэнэ, Ч.Хүрэлбаатар нарыг л авч үлдэнэ.

Харин Ч.Хүрэлбаатарт Ерөнхийлөгч ҮГҮЙ гэдэг үгийг хэлж, хүндхэн байдалд оруулж буй. Харин Н.Энхболд, Сү.Батболд, Б.Бат-Эрдэнэ нарын өвгөчүүл сайдын суудал “сонирхохгүй” гэдгээ илэрхийлээд авчээ.

Сайдад горилогч ахмад улс төрчид нь Ч.Улаан, Д.Тэрбишдагва, Ц.Нямдорж, Ө.Энхтүвшин, Д.Хаянхярваа, Д.Дамба-Очир, Д.Оюунхорол, Н.Ганбямба нар аж.

Ц.Нямдорж Ерөнхий сайдын орлогч буюу Тэргүүн Шадар сайдад

Д.Хаянхярваа Зам Тээврийн Хөгжлийн сайдад юм уу Шадар сайдад

Ч.Улаан Хүнс, Хөдөө Аж Ахуй, Хөнгөн Үйлдвэрийн сайдад,

Ө.Энхтүвшин Боловсрол, шинжлэх ухааны сайдад юм уу, Шадар сайдад

Д.Тэрбишдагва Уул Уурхай, Хүнд Үйлдвэрийн сайдад юм уу Хүнс, Хөдөө Аж Ахуй, Хөнгөн Үйлдвэрийн сайдад

Д.Оюунхорол Хөдөлмөр, Нийгмийн Хамгааллын  юм уу, Байгаль Орчин, Ногоон Хөгжлийн сайдад,

тус тус санаархаж байгаагаа МАН-ын удирдлагуудад илэрхийлсэн. Түүнчлэн УИХ-ын гишүүн асан Д.Дамба-Очир, Хэнтий аймгийн засаг дарга Н.Ганбямба нар ч сайд болох санаархал өвөртөлж яваа юм.

-ТАНГАРАГАА ӨРГӨСӨН 75 ГИШҮҮН ТАНИЛЦАХ ҮДЭШЛЭГ ХИЙВ-

УИХ-д шинээр сонгогдсон 76 гишүүний 75 нь тангарагаа өргөж, анхдугаар чуулганаа хийв. Дараа нь гишүүдийн танилцах үдэшлэг /2020.07.03/ орой болсон юм.

Уг үйл ажиллагаа нь уламжлал болгон зохиогдож ирээгүй бөгөөд энэ жилийн сонгуулиар сонгогдсон гишүүдийн дунд л болсон нь энэ юм.  

-ХОРИХ АНГИАС ГИШҮҮН БОЛЖ, ТАНГАРАГАА ӨРГӨЖ ЧАДААГҮЙ Ж.ЭРДЭНЭБАТЫГ МАРГААШ ЯЛЛАНА-

Шинээр сонгогдсон УИХ-ын гишүүдээ тангаргаа өргөөгүй гишүүн бол Ж.Эрдэнэбат. Тэрбээр УИХ-ын найм дахь удаагийн сонгуульд хорих ангиас нэр дэвшиж, ялалт байгуулсан билээ. Түүнд холбогдох хэргийн шүүх хурал долдугаар сарын 2,3 -ны өдрүүдэд боллоо.

Гэм буруугийн шүүх хуралдаанаар шүүгдэгч С.Мандахбатад холбогдох хэргийг хэрэгсэхгүй болгож, шүүгдэгч Ж.Эрдэнэбат, Б.Отгонбаатар, Д.Ганбат, Д.Түвшинжаргал нарыг гэм буруутайд тооцож, ял оногдуулах шүүх хуралдааныг ирэх Даваа гаригт /2020.07.06/ 09.00 цагт товлосон юм.

Энэ мэдээнд өгөх таны үнэлгээ

Хуваалцаарай Жиргээрэй