Архангай аймаг шинэ Засаг даргатай болоод буй. Тодруулбал, Д.Золжаргалыг огцруулж, оронд нь М.Батжаргалыг Засгаар сонгосон.
Тэгвэл Засаг дарга солих энэ ажиллагаанд оролцож, намаасаа урваж, нөгөө талд санал давуулсан АН-ын хоёр гишүүн бий.
Тус аймгийн ИТХ-ын 39 төлөөлөгчийн 20 нь АН-ын, 19 нь МАН-ын төлөөлөгч. Өөрөөр хэлбэл АН нэг хүний илүүгээр тус аймагт засагладаг юм. Гэтэл ИТХ-ын төлөөлөгч, АН-ын гишүүд болох Р.Нямдорж, Э.Баттулга нар Д.Золжаргалыг огцруулах санал өгсөн байдаг.
Тиймээс С.Эрдэнэ дарга "уурлаж”, АН-ын Үндэсний дүрмийн хороогоо хуралдуулж тэдэнд хариуцлага тооцжээ. Тодруулбал, аймгийн Засаг дарга М.Батжаргал, намынхаа эсрэг ажилласан Р.Нямдорж, Э.Баттулга нарыг гишүүнчлэлээс дөрвөн жилийн хугацаатай хасч, сахилгын шийтгэл оногдуулсан байх юм.
Энэ талаар Архангай аймгийн шинэхэн Засаг дарга М.Батжаргал бичихдээ " Дандаа л хөөж байх юм С.Эрдэнээ дарга минь. Эгэл ардын минь итгэл байна. Ээж аав маань энх тунх байна. Эх нутгаа гэх чин сэтгэл байхад С.Эрдэнэ танд хөөгдөх яамай юу даа. Жич: Хөөгдөх хулгайч нь та шүү” хэмээжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.