Хилчин бүсгүй Т.Рэнцэнбадам 46 дахь өдрөө гүйн, Сэлэнгэд очлоо

Дорноговь аймгийн Замын-Үүд суманд байрлах Хилийн цэргийн 0108 дугаар ангийн ахлах ахлагч, спортын мастер Т.Рэнцэнбадам Сэлэнгэ аймаг хүртэл 1.100 километрийн холын зайд гүйхээр 2021 оны наймдугаар сарын 1-нд замдаа гарсан.

Тэгвэл ахлах ахлагч Т.Рэнцэнбадам өнөөдөр буюу 09 дүгээр сарын 15-ны өдөр Сэлэнгэ аймгийн төв Сүхбаатар суманд 46 дахь өдрөө гүйсээр ирлээ. Түүнийг Сэлэнгэ аймгийн иргэдийн Төлөөлөгчдийн Хурлын дарга Б.Нарантуяа, Хилийн цэргийн 0101-р анги, Хилийн цэргийн 0243-р анги, аймгийн ЗДТГ-ын Цэргийн штаб, аймгийн ЗДТГ-ын Хэлтсийн дарга нар, аймгийн Биеийн тамир спортын газрын дарга, Сүхбаатар сумын Засаг дарга нар хүндэтгэл үзүүлэн хүлээн авч баяр хүргэлээ.

Ахлах ахлагч, спортын мастер Т.Рэнцэнбадамыг цар тахлын нөхцөл байдалд ард олныхоо итгэл найдварыг тээж, сэтгэл санааг дэмжин өргөж, эмэгтэй хүний тэсвэр хатуужил, зориг тэвчээрээр бусдад манлайлал, урам өгч байгаад нь аймгийн иргэдийн Төлөөлөгчдийн Хурлын дарга Б.Нарантуяа талархал илэрхийлэн Сэлэнгэ аймгийн “Хүндэт тэмдэг”-ээр шагналаа.

Тэрбээр Дорноговь аймгийн Хилийн 0108 дугаар ангиас Сэлэнгэ аймгийн Алтанбулаг сумын 652 дугаар хилийн тэмдэгт хүртэл нийт 1.100 километрийг туулж, Хил хамгаалах байгууллагын 88 жилийн ойн баярын өдөр буюу есдүгээр сарын 17-ны өдөр бариандаа орохоор төлөвлөжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ёстой мундаг юм аа. Дөч гаруй өдөр байтугай дөрвөн минут ч гүйж чадахгүй усан гүзээнүүд дүүрсэн энэ үед үнээхээр агуу эмэгтэй гэдгээ харуулж байна даа. Маш их амжилт хүсье. Үнэхээр их бахархаж баярлаж байна.
Uneheer baharhamaar busgui bna..busgui xunii tesber tebcheeriig zaluu yeiihend xaruulj ..eruul erch xuchtei bh iin ulger duurial bolj xiliin tsereg xunii ner turiig urguluu.....XILCHID ee ene busgui shig baigaarai....
Мундаг юмоо