Дэлхийн Эрүүл Мэндийн Байгууллага /ДЭМБ/-аас Европ тив коронавирусийн цар тахлын улмаас нас барагсдын тоо нэмэгдсээр байгаа нь дэлхийд цорын ганц бүс нутаг болж байна гэж мэдэгдлээ. Энэ талаар “Ассошиэйтед Пресс” /Associated Press/ агентлаг мэдээлэв.
Сүүлийн долоо хоногт Европт “КОВИД-19”-ийн нас баралт 5 хувиар нэмэгджээ. ДЭМБ-ын мэдээлснээр Норвеги улсад нас баралт 67 хувь, Словакт 38 хувиар өсжээ.
ДЭМБ-ын мэргэжилтнүүд бусад бүх бүс нутагт нас баралтын тоо тогтвортой эсхүл буурч байна гэж мэдэгдэв.
ДЭМБ-аас өмнө нь Европыг цар тахлын голомт гэж нэрлэсэн. Хэрэв Европт яаралтай арга хэмжээ авахгүй бол хагас сая орчим хүн халдварын улмаас амиа алдаж болзошгүйг мэргэжилтнүүд анхаарууллаа.
(Эх сурвалж: Mignews)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.