Хаврын улс төр Ардчилсан намын даргын сунгаагаар эхэлж байна. О.Цогтгэрэлийн талын АН-ын даргын дотоод сунгаанд Ерөнхийлөгч асан Х.Баттулга, УИХ-ын гишүүн Ж.Батсуурь нар өрсөлдөхөө зарлаж, тус бүр 500 саяын дэнчингээ байршуулаад байгаа юм.
Өнөөдөр тэд нэр дэвшигчийн батламжаа гардаж авцгаав. Эл үйл явдал Ерөнхийлөгч асан Х.Баттулгын бараг л ЭРГЭН ИРЭЛТ байв. Учир нь тэрбээр Ерөнхийлөгчийн сонгуулиар хойш олны өмнө ил гарч үзэгдэж, харагдаагүй. Ерөнхий сайд Л.Оюун-Эрдэнийн зөвлөх гэсэн статустайгаар нууцлагдмал байдалтай байсаар өдий хүрч ирсэн билээ.
Улмаар өнөөдөр үүнийгээ үгүйсгэж "Би МАН-ын Ерөнхий сайдын зөвлөх биш хэмээж Монгол Улс парламентын засаглалтай байх уу, үгүй юу гэдгийг тогтоох сунгаа гэж бодож байна. Төрийн гурван өндөрлөг нэг намаас байна гэдэг нь ардчилсан нийгэмд ямар нөлөөтэй байгааг бид яс махаараа, амьдралаараа мэдэрч байна" хэмээсээр ийн гарч ирэв.
Ийнхүү Монголын Ардчиллын салхины чиг чухам хаашаа эргэхийг хүлээх бас нэгэн хүүлээлт эхэлж байна.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.