Август: Би Уилл Смитийн эхнэр Жадатай унтсан талаараа ном хэвлүүлнэ

Жүжигчин Уилл Смиттэй холбоотой дахин нэг шуугиан дэгдээд байна. Энэ удаад түүний хувийн амьдрал олныг шуугиулж эхлэв. Өөрөөр хэлбэл, дэлхий нийт түүний эхнэр Жада Смитийн хайрын ээдрээтэй амьдралд анхаарлаа хандуулах болов.

“Оскар”-ын шагнал гардуулах ёслолын үеэр Уилл Смит Крис Рокыг алгадсан хэл ам гараад удаагүй байтал ийнхүү тэрбээр хэл амны бай болов.

Уилл Смитийн эхнэр Жада Пинкетт Смиттэй үерхэж байсан уран бүтээлч шинэхэн дуундаа Жадатай хэрхэн хайр дурлалын хэлхээ үүсгэж, амраглаж байснаа өгүүлсэн нь Холливудынхны дунд шивэр авир гэх ярианы сэдэв болоод байна. Жада Смиттэй учир ургуулсан залуухан амраг хайрынхаа талаар бүр ном бичин хэвлүүлэх гэж байгаагаа ч зарлав.

Жада Смитийн залуу нууц амраг нь хэн бэ гэдгийг сийрүүлбэл, “Shake the World” дууны эзэн дуучин Август гэх уран бүтээлч юм. Тэрбээр дэлхийн алдартай эмэгтэйчүүдийн нэг Жада Смиттэй болзож эхэлсэн талаараа “Shake the World” дуундаа өгүүлдэг. Өөр нэг сонирхолтой зүйл гэвэл, Жада Смитт нэгэн ток-шоуны үеэр нөхрөө араар нь тавьж хуурсан гэдгээ олон нийтийн өмнө ил зарласан явдал.

Август ном бичих ажлаа аль наймдугаар сард эхлүүлсэн гэдгээ ярьсан байдаг. Номынх нь агуулга Жадатай хэрхэн танилцаж нөхөрлөснөөс гадна тэдний сексийн амьдралын талаар түлхүү өгүүлэх аж.

Өөр бас нэг анхаарал татаж буй зүйл бол Уилл Смит эхнэр Жадатайгаа Августыг бэлгийн харьцаанд орохыг нь зөвшөөрсөн гэгдэж байгаа юм. Август энэ яриа үнэн гэдгийг “The Sun” сонинд ярилцлага өгөх үеэрээ дурссан байна.

Ном нь бестселлер болно гэдэгт итгэлтэй байгаа гээд, Жадатай хамт өнгөрүүлсэн цаг хугацаа, Уилл Смитийг киноны зураг авалт гээд эзгүй байх хойгуур түүний нэг виллад эхнэр Жадатай нь цагийг хэрхэн зугаатай өнгөрүүлж байсан талаараа өгүүлнэ гэж ярьж байгаа юм. Эл номыг нь хэвлүүлэхэд хэд хэдэн хэвлэлийн компаниуд гэрээ байгуулах санал тавьсан гэдгийг ч Август онцлов. Тиймээс, илүү ашиг орлого олоход нь туслах тийм хэвлэлийн компанийг сонгоно гэдгээ бас хуучилсан байна.

Жада Смит дуучин Августтай хүү Жейденаараа дамжуулан танилцжээ. Тэднийг танилцах үеэд Август дөнгөж 23 настай байсан ба Август удам дамжсан элэгний хүнд өвчинтэй байсан учир түүнд тусламж хэрэгтэй байсан гэнэ. Эхэндээ Жада Августад анхаарал халамж тавьж, асарч тогйлож байж. Гэвч, хэдэн жилийн дараа тэд ойртож дотноссон байна. Ингээд тэдний ээдрээтэй хайрын түүх эхэлжээ.

Уилл Смит эхнэр нь Августтай дотносох болсныг мэдээд маш их бухимдаж, бүр гэрлэлтээ цуцлуулах тухай бодож эхэлсэн байна. Харин, тэд ярилцсаны эцэст бие биедээ үнэнч байх гэсэн “уламжлалт гэрлэлт”-ээс татгалзаж, дураараа эрх чөлөөтэй амьдрах шийдэлд хүрчээ.

Уилл Смит, Жада Смит гэрлэлтээ цуцлуулна гэсэн яриа аль олон жилийн өмнөөс эхтэй. Гэсэн ч, тэдний гэрлэлт Холливудын оддын хамгийн удаан үргэлжилж буй гэрлэлтэд тооцогдсон хэвээр байгаа юм.

Эх сурвалж: Cosmopolitan

Энэ мэдээнд өгөх таны үнэлгээ

Хуваалцаарай Жиргээрэй