Э.Болормаагийн оронд А.Ариунзаяа очиж, Л.Оюун-Эрдэнэд зөвлөнө

Монгол Улсын Ерөнхий сайдын ахлах зөвлөх Э.Болормааг Ховд аймгийн ИТХ-аар Ховдын Засаг даргад дэмжсэн.

Болсон процессыг тайлбарлабал, Ховд аймгийн ИТХ дахь МАН-ын хорооноос Э.Болормаагийн нэрийг санал болгож, ИТХ-д оруулж ирсэн. Энэ дагуу тус аймгийн ИТХ 2022.08.26-ны 09.00 цагаас хуралдаж, Э.Болормааг дэмжих эсэхийг хэлэлцэж эхэлсэн. Хуралдаанаар ИТХ-ын төлөөлөгч Н.Ганбат Ховд аймгийн орлогч даргаар ажиллаж байгаа Т.Дэлгэрсайханыг нэр дэвшүүлэх хүсэлтэй байгаагаа илэрхийлж, Э.Болормаа өрсөлдөгчтэй болоод амжсан. Т.Дэлгэрсайхан ч нэрээ татахгүй, өрсөлдөнө гэдгээ мэдэгдээд байлаа. Гэвч Засаг даргыг сонгох хурал гурван өдрөөр хойшилж, 29-нд үргэлжилсэн. Ингэхэд Т.Дэлгэрсайхан нэрээ татаж буйгаа мэдэгдсэн. Ийнхүү Т.Дэлгэрсайхан нэрээ татсанаар Э.Болормаа 73.1 хувийн саналаар Ховдын Засаг даргад дэмжигдсэн. Одоо түүнийг Ерөнхий сайд батламжлах л үлдээд байна.

Түүний оронд Л.Оюун-Эрдэнийн ахлах зөвлөхөөр хэн очих нь анхаарал татаж буй. Тэгвэл түүний оронд Хөдөлмөр, нийгмийн хамгааллын сайд асан А.Ариунзаяаг томилохоор тохирчээ.

А.АРИУНЗАЯАГИЙН НАМТАР

Төрсөн газар: 1980 он Улаанбаатар хот

Үндэс угсаа: Өөлд

Төгссөн сургууль:

• 1995 онд Улаанбаатар хотын Орос, Монголын хамтарсан 3 дугаар дунд сургууль
• 1996 онд ОХУ-ын Улан-Үдэ хотын лицей-интернат 1-р сургууль
• 1999  онд ХБНГУ-ын Халле коллеж
• 2005 онд  ХБНГУ-ын Ханновэр их сургууль
• 2015 онд  Удирдлагын академи
• 2017 онд Эдийн засгийн Үндэсний дээд сургуулийг тус тус төгссөн.  Улс төрийн шинжлэх ухаан, нийгэм судлалын мэргэжилтэй. Бизнесийн удирдлагын магистр зэрэгтэй

Ажилласан байдал:

• 2005-2013 онд “Монгол Даатгал” ХХК-д хүний нөөц, сургалтын менежер, ерөнхий менежер, тэргүүлэх менежер
• 2013-2016 онд Монгол Ардын намын Намын байгуулалт, стратеги төлөвлөлтийн газар болон нийгэм, эдийн засгийн бодлогын газрын дарга
• 2016-2020 Үндэсний Статистикийн хорооны дарга
• 2020-2022 Хөдөлмөр, нийгмийн хамгааллын сайд

Энэ мэдээнд өгөх таны үнэлгээ

Хуваалцаарай Жиргээрэй