Катар улс энэ сард эхлэх хөлбөмбөгийн ДАШТ-ий нэр хүндийг өргөхийн тулд пи ар ажилд их хэмжээний мөнгө зарцуулж байна. Тус улсын эрх баригчид 2021 оны есдүгээр сараас 2022 оны есдүгээр сарын хооронд Британийн Парламентын гишүүдэд 251.208 фунтын бэлэг өгчээ.
“Observer” байгууллагын хийсэн судалгаанд үндэслэн “The Guardian” энэ талаар мэдээллээ. Бэлгэнд “Катар 2022” ДАШТ-ий тэмцээний тасалбар, бизнес ангиллаар ирж очих нислэгийн тасалбар, очоод байрлах люкс ангиллын зочид буудлын төлбөр зэрэг багтсан байна.
Катарчууд Британийн парламентын гишүүдэд сүүлийн таван жилд 100.000 фунтын л бэлэг өгч байсан бол сүүлийн ганц жилд ийнхүү 2.5 дахин нэмэгдүүлжээ. Тус улс Британиас өөр 15 улсын эрх баригчдад яг ийм бэлэг өгсөн гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.