Ж.Ганбат: Ноогдол ашиг тараах уу, баяжуулах үйлдвэр барих уу гэдгээ энэ сарын сүүлээр шийднэ

ЭТТ ХК-ийн БЭТ Ж.Ганбат цаг үеийн асуудлаар мэдээлэл хийж байна.

Тэрбээр энэ оны эхний улиралд 800 сая ам.долларын орлого ЭТТ ХК олсон гэж мэдээллээ.

Түүнчлэн “Валютын нөөц нэмэгдүүлэх, нүүрсний үнийг өндөр тогтоох зорилгоо амжилттай хэрэгжүүлэн ажиллаж байна. Энэ эрчээрээ явж чадвал 2023 оны эцсийн байдлаар 30 гаруй сая тонн нүүрс экспортлох боломжтой гэж тооцсон.

Мөн ам нөхцөлтэй, хугацаа нь дууссан бүх гэрээг цуцалж, төлбөрөө урьдчилж авсан гэрээнүүдийн нөхцөлийг биржээр арилжаалах хэлбэрт шилжүүлсэн.

Өмнө нь өдөрт 200 гаруй тээврийн хэрэгсэл л хилээр гардаг байсан бол өдгөө дунджаар 1000 болж нэмэгдсэн. Тээврийн компаниудын төлдөг татвар ч 2-3 дахин нэмэгдлээ. С зөвшөөрлийг 10 мянган ААН хүссэн ч бидний боломж нь 4000 гаруй.

Ноогдол ашиг тараах тухайд, 2022 оны ашгаас 2023 онд хуваарилна гэвэл иргэн бүрд 100 гаруй мянган төгрөг л ноогдоно. Гэтэл одоо барьж буй нүүрс баяжуулах үйлдвэрээ ашиглалтад оруулбал нүүрсний үнэ 60-70 ам.доллараар нэмэгдэх хүлээлттэй. Иймд энэ сарын сүүлээр ЭТТ ХК-ийн ТУЗ хуралдаж, ноогдол ашиг хуваарилах уу, эсвэл баяжуулах үйлдвэр барихдаа зарцуулах уу гэдгээ шийднэ” гэлээ.

ЭТТ ХК-д өдгөө 4 тэрбум орчим төгрөгийн өр бий. Үүнийг эхэлж төлбөрөө аваад, дараа нь нүүрсээр төлөх гэрээний хүлээлт гэж Ж.Ганбат тайлбарлалаа.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй