Үерийн нөхцөлд байгаа айлуудын цахилгааныг эрсдэлээс сэргийлэн салган ажиллаж буй.
2023 оны 07 дугаар сарын 07, 17:00 цагийн байдлаар болзошгүй эрсдэлээс сэргийлэх зорилгоор цахилгаан хүчдэлээс тасалсан 108 дэд өртөө, 9039 хэрэглэгч байна.
УБЦТС ТӨХК нь гамшгаас хамгаалах өндөржүүлсэн бэлэн байдлын зэрэгт шилжсэн 7 дугаар сарын 05-аас 07-ны өдрийн 17 цаг хүртэлх хугацаанд нийт 1095 дэд өртөө, 52072 хэрэглэгчийг болзошгүй эрсдэлээс сэргийлж, цахилгаан хүчдэлээс тасалсны 987 дэд өртөө, 43033 хэрэглэгчийн хэрэглээг сэргээсэн.
Одоогийн байдлаар Сэлбэ гол дагуу байршилтай СБД-ийн 15-р хороо дээд Салхитын зарим хэсэг, БЗД-ийн Натур, С-Оутлет орчим, СБД-ийн 1-р хороо Үндэсний соёл амралтын хүрээлэн, Тээврийн цагдаагийн газар орчим, Улиастай голын сав дагуу байршилтай БЗД-ийн 34-р хороо Эрдэнэтолгой, Дунд гол дагуу байршилтай ХУД-ийн 4-р хороо Ирээдүй хороолол орчмын хэрэглэгчид хүчдэлээс салгагдсан хэвээрээ байна.
УБЦТС ТӨХК нь гамшгаас хамгаалах өндөржүүлсэн бэлэн байдалд 24 цагаар ажиллаж байгаа бөгөөд 7 дугаар сарын 7-ны 08-20 цаг хүртэлх ээлжинд 308 ажилтан, 9 механизм, 33 автомашинтайгаар үүрэг гүйцэтгэж байна.
Эх сурвалж: УЛААНБААТАР ЦАХИЛГААН ТҮГЭЭХ СҮЛЖЭЭ ТӨХК
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.