Дорнод аймгийн Халх гол сумын Буйр нуурт зургаадугаар сард загас олноор хорогдсон тохиолдол гарсан билээ. Улмаар тус бүсийн ойр орчмын ус, хөрс, загасны дээжийг Биологийн хүрээлэнд шинжилж, урьдчилсан дүгнэлтийг гаргасан байна.
Дүгнэлтээр хэлтэг загасны өвчний шинж тэмдэг нь бусад улсад тархсан "Cyprinivirus" төрлийн "Ceprinid her pesvirus" вирусний халдварын шинжтэй төстэй байгаа ажээ. Энэ төрлийн вирус нь зөвхөн хэлтэг загасанд халдварладаг байна.
Биологийн хүрээлэнгийн эрдэмтдийн шинжилгээний үр дүнд нуурын усны MNS 0900:2018 стандартад тусгагдсан 18 үзүүлэлтийг сонгон авч, ДЭМБ-аас гаргасан улс орнуудын мөрдөж буй ундны усны стандарттай харьцуулжээ.
Улмаар Монгол Улсад мөрдөгдөж байгаа ундны усны стандарт MNS 0900:2018 болон ДЭМБ-аас гаргасан улс орнуудын ундны усны стандарт шаардлагыг хангаж байна гэж судалгааны тайланд дурдсан байна.
Харин усны микроэлементийн шинжилгээгээр бари, стронци, молибден, никель, кобальт, хүнцэл, рубиди, уран агууламж илүү нэмэгдсэн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.