Украины Ерөнхийлөгч Володимир Зеленський НҮБ-ын Ерөнхий Ассамблейн чуулганд оролцсоны дараа АНУ-ын Конгресс, Цагаан ордон руу очсон байна. Байден, Зеленський хоёр Цагаан ордны зүүн танхимд дайны зөвлөл хийжээ.
АНУ-ын Конгресс Украинд 24 тэрбум ам.долларын нэмэлт тусламж илгээх тал дээр мэтгэлцэж байгаа. Зарим Бүгд Найрамдах намын гишүүн Украинд олон тэрбум ам.долларын тусламж үзүүлэхийг эсэргүүцэж, дотооддоо зарцуулах хэрэгтэй гэж буй.
Харин Байден Зеленськийтэй уулзахдаа “Ноён Ерөнхийлөгч өө, бид тантай хамт байна, хамт байх болно” гэж хэлж, АНУ дайны турш Украиныг дэмжинэ гэдгээ мэдэгджээ. Үүний хариуд Зеленський 325 сая ам.долларын үнэ бүхий зэвсэг, агаарын хамгаалах систем шинээр илгээж байгаад нь талархаж “Манай цэргүүдэд яг одоо хэрэгтэй байгаа зүйл” гэж хэлсэн байна.
Энэ жил дуустал Украинд батлан хамгаалах болон хүмүүнлэгийн тусламж үзүүлэхэд шаардлагатай 24 тэрбум ам.долларын багцыг Байден Конгресст өргөн барьсан. Гэвч Төлөөлөгчдийн танхим дахь зарим Бүгд Найрамдах намын гишүүд үүнийг эсэргүүцэж байгаа юм.
Эсэргүүцлийг хэрхэн даван туулах вэ гэж Байденаас сэтгүүлчид асуухад “АНУ-ын Конгрессын зөв шийдвэр гаргах чадварт найдаж байна. Өөр арга байгүй” гэж хариулжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Америкийн ерөнхийлөгч санаатай 90 насыг зооглох дөхсөн зөнөг өвгөн тусламж нэрээр дайыг өдөөхөө болио. Зеленский гэх тэнэг хув�##�з энэ тэндээс очиж тусламж гуйж дайтахаа болио.
Энэ ногооноод одоо ЗӨНӨГ өвгөнөөс ондоо хүн олдохоо болих байхаа даа.Польш , румын словак, болгар , унгар улсууд украйны үр тариаг нутгаараа дамжуулахгүй ,худ�##�даж авахгүй, бас зэвсэг нийлүүлэхгүй гэв.
Нэртэйгээр нь Байдений гэрт нь очоод зэвэг ахиад гуйгаач