Гэгээн ширээт улсын тэргүүн, Пап лам Францис ням гараг болгон Гэгээн Петрийн талбайн өмнө номлол айлддаг. Харин өнгөрсөн ням гарагт /2023.11.26/ Францис Петрийн талбайн өмнө сургааль айлдаагүй байна.
Тэрбээр оршин суудаг сүмээсээ шууд дамжуулалтаар ярьж “Эрхэм ах болох эгч дүүс нар минь. Өнөөдөр сайхан ням гариг байна. Уушгиндаа үрэвсэлтэй болсон учраас өнөөдөр би олны өмнө үг хэлж чадахгүй нь” гэсэн байна. Францисын оронд түүний хажууд суусан эцэг Паоло Брайда номлолыг уншсан аж.
Францис ханиад хүрсний улмаас төлөвлөсөн ажлуудаа цуцлаад байсан юм. Тэрбээр бямба гарагт /2023.11.25/ Ром хотын эмнэлэгт үйлчлүүлсний дараа Ватикан Пап ламыг уушгины асуудалгүй гэж мэдэгджээ. Тэгтэл Францис ням гарагт үг хэлэхдээ уушгины үрэвсэлтэй гэж Ватиканы мэдэгдлээс эсрэг зүйл хэлэв.
Түүний туслах номлолыг уншсаны дараа Францис “Та бүхэн ням гарагийг сайхан өнгөрүүлээрэй. Миний төлөө залбирахаа бүү мартаарай. Өдрийн хоолой таатай зооглоорой, дараа уулзацгаая” гэж номлолыг дуусгасан байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Монголд ирээд иим болчихож бгаан
Пап лам гэдэггүй. Лам гэдэг нь төвөдийн шашинд хамаатай төвөд үг. Папыг Ромын пап гэж хэлж заншсан