БНАСАУ-ын “KCNA” төрийн өмчит телевиз ням гарагт /2023.12.03/ нийтэлсэн мэдээндээ Солонгосын хойгт дайн гарах нь цаг хугацааны асуудал, хэрвээ Өмнөд Солонгос ямар нэгэн дайсагнасан үйлдэл гаргавал хүйс тэмтэрнэ гэж бичжээ.
Тус нийтлэлийг бичсэн цэргийн тоймч Өмнөд Солонгосыг 2018 оны цэргийн иж бүрэн тохиролцоог цуцалсан гэж буруутгасан байна. Тус тохиролцоог хоёр Солонгосын хил дээрх хурцадмал байдлыг намдаахын тулд үүсгэж байсан юм.
Умард Солонгос тагнуулын хиймэл дагуулаа хөөргөсний дараа Өмнөд тохиролцооны зарим хэсгийг хүчингүй болгожээ. Хариуд нь Хойд Солонгос тохиролцооноос гарсан юм. Тохиролцооноос гарсан тул БНАСАУ хил дээрх постуудыг сэргээж, цэргийн хүнд механизмууд байрлуулжээ.
Энэ талаар Умардын цэргийн тоймч “2018 оны тохиролцоо нь зэвсэгт хүчин хамгийн их төвлөрсөн хил дээр санамсаргүй цэргийн мөргөлдөөнөөс сэргийлэх хамгийн сүүлийн механизм, эцсийн шугам байсан” гэж бичсэн байна.
Эх сурвалж: Korea Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.