Улаанбаатар хотын ногоон байгууламжийг нэмэгдүүлэх зорилтын хүрээнд Хот байгуулалтын тухай хуульд нэмэлт өөрчлөлт оруулсан байна. Тодруулбал, барилга байгууламжийн 30 хувьд ногоон байгууламж, хүүхдийн тоглоомын талбай, автомашины зогсоол байна гэж заасан байдгийг нэмэлт өөрчлөлтөөр 20 хувьд нь ногоон байгууламж, 20 хувьд нь автомашины зогсоол байна гэж заажээ.
Түүнчлэн уг стандартыг мөрдөөгүй тохиолдолд татвар авдаг байхаар зохицуулсан байна. Одоогоор татварын хэмжээг эцэслэн тогтоогоогүй байгаа ч үл хөдлөх хөрөнгийн зах зээлийн үнэлгээ, байршил зэргээс хамаарч, урьдчилсан байдлаар нийт өртгийн 0,6-1 хувьтай тэнцэх хэмжээний татвар ногдуулахаар тооцжээ.
Татварын газраас журмын төслийг боловсруулж, эцсийн шийдвэрийг НИТХ-аар тогтоох аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.