Нийслэлд үүссэн нөхцөл байдалтай холбоотойгоор НИТХ ээлжит хуралдаанаа хойшлуулав
Өнгөрсөн шөнө /2024.01.24/ Баянзүрх дүүргийн 26 дугаар хороо, Дүнжингарав худалдааны төвийн өмнөх автозамын уулзвар дээр ноцтой дэлбэрэлт гарч, түймэрт эрдэнэт хүмүүсийн амь нас эрсэдлээ.
Нийслэлийн онцгой комисс, нийслэлийн нутгийн захиргааны холбогдох байгууллагууд үүссэн нөхцөл байдалтай холбоотойгоор бүрэн бүрэлдэхүүнээрээ ажиллаж байна.
Иймд 2024.01.25-ны өдөр хуралдахаар байсан Нийслэлийн ИТХ-ын ээлжит XXI хуралдааныг түр хойшлуулах захирамжийг Нийслэлийн иргэдийн Төлөөлөгчдийн Хурлын дарга Ж.Батбаясгалан гаргасан аж.
Энэхүү хуралдаанаар Хотын дарга Х.Нямбаатарын өргөн барьсан есөн журмыг батлах эсэхийг шийдэх байсан билээ.
Тус есөн журамд авто машины улсын дугаарын хязгаарлалт, нийтийн тээврийн хэрэгслээр зорчих үнэ, авто зогсоолын төлбөр, тээврийн хэрэгслийн албан татварын хэмжээ зэрэг асуудал багтсан байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
нүүрсий хулгайчаа