2015 онд замын хөдөөлгөөний аюулгүй байдалд сөргөөр нөлөөлөх болон түгжрэлд саад бий болгодог 17 зөрчилд жолоочийн оноог хасдаг байх журам батлагдсан. Үүнд хамгаалах бүс хэрэглээгүй, хурд хэтрүүлсэн тохиолдолд нэг оноо, зам тээврийн осол гаргсан бол таван оноо хасах зэрэг багтдаг. Тэгвэл, тээврийн цагдаагийн албанаас замын хөдөлгөөнд зөрчил гаргалгүй, дүрмээрээ соёлтой оролцсон жолооч нарын зөрчлийн оноог урамшуулахаар болжээ.
Тодруулбал, зөрчлийн бүртгэлийн оноо хасагдсанаас хойш нэг жилийн хугацаанд дахин замын хөдөлгөөний аюулгүй байдлын тухай хууль зөрчөөгүй жолоочийн хамгийн сүүлд хасагдсан оноог сэргээнэ. Мөн зөрчил гаргалгүй хоёр жил өнгөрсөн тохиолдолд зөрчлийн 10 оноог сэргээж урамшуулна.
Харин жолоочийн зөрчлийн оноо дууссан, жолоодох эрх хасагдсан, хуулийн дагуу торгуулийг заагдсан хугацаанд төлөөгүй жолоочид энэ урамшуулал хамаарахгүй юм байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.