Чөлөөт болон сонгомол бөхийн олимпын эрх олгох Азийн бүсийн тэмцээн өнөөдөр /2024.04.19/ болж байна.
Тэмцээний хуваарь ёсоор өнөөдөр эрэгтэйчүүдийн зургаа, маргааш эмэгтэйчүүдийн зургаа, нөгөөдөр сонгомол бөхийн зургаан жингийн барилдаан болсноор Парисыг зорих 36 тамирчны нэр тодрох аж.
Өнөөдөр эрэгтэй зургаан жингийн барилдаан болсон бөгөөд хэсгийн барилдаан өндөрлөж, олимпын эрхийн төлөө өрсөлдөх жин тус бүрийн шилдэг дөрвөн бөхийн нэр тодорлоо. Тодруулбал, 57 кг-д Б.Мөнх-Эрдэнэ Киргизстаны Алмаз Уулутай, 86 кг-д Б.Бат-Эрдэнэ Хятадын Зушен Линтэй, 97 кг-д Г.Ганхуяг Ираны Амирали Азарпиратай, 125 кг-д М.Лхагвагэрэл Хятадын Денг Живейтэй олимпын эрхийн төлөө барилдана.
Тэмцээний хэсгийн барилдаан Улаанбаатарын цагаар 12:30 цагт, медалийн төлөөх барилдаан 19:30 цагт эхэлнэ. Бишкекээс эрхээ авч чадаагүй тамирчид ирэх сарын 9-12-нд Туркийн Истанбул хотод сүүлчийн боломжоо ашиглана. Истанбулын тэмцээнээс нэг жинд гурван эрх олгох юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
За з�##�уучуудынхаа захыг мушгиж сууя